ای امام منتظر مرآت یزدان السلام

استمداد از حضرت مهدی(عج)

 

ای امام منتظر مرآت یزدان السلام
گل ئوزون ایله بودنیانی چراغان السلام
السلام ای مهدی صاحب زمان
السلام ای جدّینون قانین آلان
**********
سن او وجه الله باقی سن که ای شاه غیور
طلعت حسنوندن ائیلر ماه و انجم کسب نور
آتش هجرونده یاندوخ ائیله تعجیل ظهور
ابرغیبتده قالان ای ماه تا بان السلام
**********
یئر یوزون دولدوردی جور و ظلم یاصاحب زمان
گلستان دینه هر دمده اَسور باد خزان
کسمه لطفون گُل لروندن ای وفالی باغبان
قیل نظر گلزار دینه اولدی خندان السلام
**********
غیبتون طول اولدی ای شمس هدا  والا مقام
مدّت عمرون اولوب مین یوز اوتوز بیر ایل تمام
شیعه لردائم فراقوندا سیزیلدار صبح و شام
ای وجودی پیکر قرآن اوچون جان السلام
**********
کشتی دینه ازلدن سنسن آخر ناخدا
دمبدم موجه گلور دریا کیمی بحر بلا
کشتی دین آزقالور غرق اولسون ای شمس هدا
السلام ای ناجی کشتی قرآن السلام
**********
انتظار مقدمونله اولدی بو دللرکباب
هانسی ساعتدور اولا بوقانلی دللر کا میاب
قیل ظهور ای چرخ دینه بیر ایشقلی آفتاب
ای جمالین روحبخش مهر رخشان السلام
**********
اسم پاکی حجّت حق مهدی قائم لقب
آغلیان جدی حسینون ماتمین ده روز و شب
قویما جدّون قانی قالسون یرده ای والانسب
السلام ای منتقم وی صاحب قان السلام
**********
ایلیوب ایما بومعنایه خدای لاینام
هرکسی مظلوم ئوله آلسین ولیسی انتقام
یرده قالسین تابه کی خون امام مستظام
ای ایدن عدلیله بوعالمده دیوان السلام
**********
ظلم دشت کربلادن ای اولان خونین جگر
روز شب غمدن توکن گُل عارضه اشک بصر
قیل ظهورون ای ولیّ حق امام منتظر
وی ظهوری شیعیانه لطف شایان السلام
**********
حاج جواد آدلی بوشعره بانی اولدی مدحیا
قسمتی اولسا سنیله گردیار کربلا
اوردا بیله ذکر ائله اولسون سنیله همصدا
عرض ائله یاحجت الله شاه عطشان السلام
**********
شعر از : حاج میرزا حیدر مدحی

/ 0 نظر / 22 بازدید