زینب آغلارگیجه گوندوزسنه ایوای آناوای

زبانحال حضرت زینب(س) درفراق مادرش

 

زینب آغلارگیجه گوندوزسنه ایوای آناوای
آناسیزلیق غمی بسدورمنه ایوای آناوای
**********
ای بلاکش آناچکدون اوقدرمحنت وغم
که بوآز وقتیده اگدی قدیوی بار الم
کیمدی سن تک آغاران زلفی اولان قامتی خم
صبر ایدن هرستم دشمنه ایوای آناوای
**********
آناسالدوقجا گیچن گونلریوی یادیمه من
چوخالور بو دل زاریمده کی اندوه ومحن
اوزایوین سهلیدی قویمازدیلاصحراده ده سن
بیردویونجا گله سن شیونه ایوای آناوای
**********
باخورام برج جلالتده ایشیق کوکبیوه
یانورام دلدن آنا وصله چادرشبیوه
مایه غصّه دی بونکته زبس زینبیوه
عمروم اولسا دییرم مین سنه ایوای آناوای
**********
بسلدون گول تک حسینیله حسن قارداشیمی
سهلیدور قویمازیدون منده توکم گوزیاشیمی
باشون اوسته یری وار یولسام ئولنجه باشیمی
توکسم اوز زلفیمی پیرامنه ایوای آناوای
**********
وقت رحلتده اگرچه اورسول مدنی
سالم اعضائیله بوامتّه تاپشوردی سنی
قوروسون قویمادی ثانی آنا جدّیم کفنی
قوللّارون دوندی گل سوسنه ایوای آناوای
**********
اولمادی ثانی رضا گولماقا بیرلحظه یوزون
اود ووروب اودلادی درگاهیوی آغلاتدی گوزون
محسنون سقط اولوب آخرقالوب آغزینداسوزون
آغلارام حشره کیمی من سنه ایوای آناوای
**********
شعر از: مرحوم صافی
چهارده معصوم صافی

/ 1 نظر / 16 بازدید
کبری

[گل][گل][گل][گل][گل][گل][گل][گل][گل][گل][گل][گل]