عم اوْغلی ای شه خوبان

وصیت حضرت زهرا(س)

 

عم اوْغلی ای شه خوبان
باشیم اوسته اوْخی قرآن
اوْلا زهرا سنه قربان
سنی مظلوم حسین جانی
باخوب آغلاتما زهرانی
**********
سنیله اوْلموشام همدم
بو ائوده دوْقّوز ایل باهم
گل ای عیسی نفس وئر دم
سنی مظلوم حسین جانی
باخوب آغلاتما زهرانی
**********
غمیمده مجتبی آغلار
قیزیم کلثوم اور‌ک داغلار
باشا زینب قارا باغلار
سنی مظلوم حسین جانی
باخوب آغلاتما زهرانی
**********
اجازه وئر دئیوم بیر سؤز
فراقیمده یئمه غم دؤز
حسینیمدن گؤتورمه گؤز
سنی مظلوم حسین جانی
باخوب آغلاتما زهرانی
**********
یتیمه قزلاریم قالسون
اؤزوند‌ن عطریمی آلسون
باشا شال عزا سالسون
سنی مظلوم حسین جانی
باخوب آغلاتما زهرانی
**********
پوْزولما شور شینیمد‌ن
مواظب اوْل دو عینیمدن
علی‌التخصیص حسینیمد‌ن
سنی مظلوم حسین جانی
باخوب آغلاتما زهرانی
**********
اؤزون وئر غسل و کفن ائیله
اماندیر قبری پهن ائیله
گئجه وقتینده دفن ائیله
سنی مظلوم حسین جانی
باخوب آغلاتما زهرانی
**********
گؤررلر گریئریم خالی
پوْزولسا قیزلارون حالی
نوازش ائیله اطفالی
سنی مظلوم حسین جانی
باخوب آغلاتما زهرانی
**********
عم اوْغلی قوْیما اهل کین
وورا تابوتوما دستین
منی دفن ائت گئجه گیزلین
سنی مظلوم حسین جانی
باخوب آغلاتما زهرانی
**********
وئریب دم حضرت زهرا
بو اشعاره اولوب انشا
امیدیم وار ائده امضاء
سنی مظلوم حسین جانی
باخوب آغلاتما زهرانی
**********
غمیمده هر زمان غمگین
تؤکررخسارینه اشگین
اؤزوم بذل ائیلر‌م اجرین
سنی مظلوم حسین جانی
باخوب آغلاتما زهرانی
**********
شعر از : غمگین

/ 0 نظر / 21 بازدید