سلام اولسون سنه ای خامس آلعبا قارداش

کوچ از قتلگاه_ زبانحال حضرت زینب(س)

شعر ارسالی از سرور ارجمندم،جناب آقای محمد هوشمند

 

سلام اولسون سنه ای خامس آلعبا قارداش
گیدور شامه عیال و عترتون دور سال یولا قارداش
**********
بو چولدن عازمم شامه آلیب اطرافیمی دشمن
یول اوسته کفن و دفنه یوخدی امکان نیلیم بس من
گئدیب یغمایه حتی قالمییوب دور کهنه پیراهن
هوا ایستی وجودین یاره دی باشدان باشا قارداش
**********
او قدری اوخ دگیب سینون صفالی گلشنه بنذه ر
خیامون یاندیربلا بیر داغلیمش خرمنه بنذه ر
نه عالمده منه بیر کس نه ده قارداش سنه بنذه ر
باجی قارداش قبول ائتدوخ بلانی ابتدا قارداش
**********
سنیلن ایتمیشم امضا الستین عهد و پیمانین
سن عشقیله فدا ویردون ره قرانیده جانین
گرگ ماهیّتن اعلان ائده م بو ال سفیانین
ایدیب احقاق حقی قویمارام قانون باتا قارداش
**********
خیالون راحت اولسون خصم قرآن کامنه چاتماز
باجوون بیر لحظه ده گوزدن عیال و عتریتن آتماز
اورکلرده جوشار عشقون قیام ایلر بو قان باتماز
اولار حق اهلینه قانلی قیامین رهنما قارداش
**********
بو لشگردن او قدری یوز ویروب جور و جنایت لر
قوتارماز تا قیامت شرح اولونسا رنج و محنت لر
منه تاپشورموسان آخر وداعینده امانت لر
دعا ایله ائدوم من دئینمی یاخش ادا قارداش
**********
مباهات ایلرم بو نهضتونده اولموشام یولداش
بو یولدا هر نه گلسه باشیمه صبر ایلرم قارداش
سنی بیله گورونجه قان ایچینده زینبون ایکاش
ئولیدی گورمییدی باشووی تندن جدا قارداش
**********
سنون گلدی یئتیشدی قسمتون فیض شهادتدن
ولی من یانمیشام جسمونده کی سایسیز جراحتدن
اگر عومروم کفاف ائتسه قورتسارم بو اسارتدن
گئنه سیراب اولار گوزیاشلاریمدان کربلا قارداش
**********
یاران گلمیر سانا جسمونده سالم بیر یئرین یوخدور
سویولموش نعشیوه پرده چکن داش نیزه دی اوخدور
بلورسن داغلی سینمده منیم گیزلین یارام چوخدور
باجوون یالقیزدی اطرافین آلیب اهل جفا قارداش
**********
سنی سالم یولا سالدیم بو میدانه من عاشورا
دوزنمردیم فراقه ایلدون سن صبریمی دریا
هانی باشون هانی اللر هانی انگشترون شاها
هانی لشگر هانی سرلشگرون دوتسون لوا قارداش
**********
بو قانلی گلستاندا هیچ صفادن دویمادیم گئتدوم
اسیر اولسامدا من عزت لباسین سویمادیم گئتدوم
منی عفو ایله گول نعشون مزاره قویمادیم گئتدوم
دگول انصاف بیله گون قباقینده قالا قارداش
**********
نظاره ایلدوقجا بو چوله قلبیم گلیر درده
یوخوم دی الده بیر زاد ایلیم گول نعشیوه پرده
هزار افسوس یوخدی اللرون بو قانلی پیکرده
قویام بیرده اورک بلکه اولا غمدن رها قارداش
**********
چاغیردی کوفه نون اهلی سنی اوزشهرینه مهمان
وفاسیزلیق ائدیب لب تشنه قانه ایتدیله غلطان
یری وار ایلسم تا واردی عومروم ناله و افغان
قالیب گونلر قباقینده بو نعش بی عبا قارداش
**********
شعر از : محمد هوشمند

**********

/ 0 نظر / 18 بازدید