ای نازلی قربانیم بالا

تقدیم اولسون اولارا کی جان ویرنده یانلاریندا نه آتا اولدی نه آنا. نه قردش نه یولداش...

 

ای نازلی قربانیم بالا
قربان قرآنیم بالا
سن سرفراز ایتدون منی
قربا ن سنه جانیم بالا
**********
پرپر گولوم گل گلشنه
کیم یار اولار سنسیز منه
اولسون آتان قربان سنه
آزاده قربانیم بالا
**********
پیک نویدیم هارداسان
روحوم امیدیم هارداسان
نازلی شهیدیم هارداسان
گل قویما اودلانیم بالا
**********
سن افتخاره چاتموسان
توپراقلار اوسته یاتموسان
گوزدن آتاوی آتموسان
نور دو چشمانیم بالا
**********
قالدیم اوغولسوز داده گل
ای مهربان فریاده گل
دیداریمه رویاده گل
گور حال هجرانیم بالا
**********
سن غمدن آزاد اولموسان
آزاد ودلشاد اولموسان
سنگرده داماد اولموسان
ای حجله ویرانیم بالا
**********
حجله اولوب سنگر سنه
خلعت بیچوب رهبر سنه
طوی دوتمادی مادر سنه
شمع شبستانیم بالا
**********
گوردوم وصیّت نامه وی
درک ایلدیم هنگامه وی
بولدوم گوزل برنامه وی
شایسته عنوانیم بالا
**********
درد اهلی درمان آختارور
همدرد هجران آختارور
جان اوسته جانان آختارور
سنسیز چیخار جانیم بالا
**********
شعر از : کلامی زنجانی
کربلای ایران-ص129 الی ص130

/ 0 نظر / 15 بازدید