زهرانی الغرض یتوروبله مزارینه

دفن حضرت زهرا(س)

 

زهرانی الغرض یتوروبله مزارینه
ایستکلی یاری قبرآچوب ایستکلی یارینه
گنجینه شفاعتی دفن ایلدی علی
تاپشوردی مه لقاسینی قبرون غبارینه
گتّدی دیله اورک غمی شاه ولایتی
باخدی اوقبره گوزیاشی آخدی عذارینه
تاریک منزلی دیدی خوش منزل ایلدون
دنیانون افّ اولا شرف واعتبارینه
ای گل سنی خزان ستم پرپر ایلدی
یتدی خزانون آفتی خلقت بهارینه
ایوای بوسیل تک توکولن اشگ حسرته
ایوای منیم بالالاریمون روزگارینه
سن بیرایشقلی اولدوزودون چرخ عصمته
دوشدون منیم ایویمده مصیبت مدارینه
هیچ دوقّوز ایلده بیریول اوتاندیرمادون منی
قیمت همیشه ویردون علینون وقارینه
**********
آغلار گوزیله گلدی علی غم سراسینه
حسرت نگاه ایدوب چمن بی صفاسینه
افسرده دل بالالارینی ییغدی باشینه
خوش انجمن قوروبدی بتولین عزاسینه
هرقلبی یاندیرارآناسیزقیزلارون سوزی
قیلدی خطاب زینب بی اقرباسینه
قلبیم دولوبدی مشتریم اوخشاما دیسن
ترویج ویرقیزیم آناوین بزم یاسینه
امّا اورکده کی سوزووین هامّوسین دیمه
بیرآزداساخلا قارداشیوین کربلاسینه
خاموش ایله چراغی قرانلوقدا اگلشاخ
چون قاره یراولوب قفس عفّت هماسینه
زهرارضاسی بوگیجه شب زنده  دارر اولاخ
شب زنده دار اولاردی آناز حق رضاسینه
**********
شعراز: مرحوم انور
گلچین حیدری ص 50تا54

/ 1 نظر / 7 بازدید
کبری

[گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل][گل]