ائلدن آرالی،دیلدن یارالی،اکبر مارالی،باشی قارالی

کوچ از خرابه شام_زبانحال حضرت زینب(س)

 

ائلدن آرالی،دیلدن یارالی،اکبر مارالی،باشی قارالی
ایوای رقیّم،لایلای رقیّم
سن بلبلوم سن،خندان گولوم سن،شیرین دیلیم سن،هم محملیم سن
ایوای رقیّم،لایلای رقیّم
شام ایچره یاتدون،مقصوده چاتدون،عمّوْن قوْجالتدون،زولفون آغارتدون
ایوای رقیّم،لایلای رقیّم
تاب و توانیم،روح و روانیم،دوشدی یوْلا دور،غم کاروانیم
ایوای رقیّم،لایلای رقیّم
دوشدون بلایه،گلدون نوایه،گئتسن آپارّام،کرب و بلایه
ایوای رقیّم،لایلای رقیّم
ای شاهزاده، دل گلدی درده،نسگلّی ئؤلدون،ویرانه‌لرده
ایوای رقیّم،لایلای رقیّم
ای مرغ بی پر،دور ماه منظر،ائتمیشدون ازبر،گل قارداش اکبر
ایوای رقیّم،لایلای رقیّم
ای ماه پاره،جسمونده یاره، ائتدیم کفن من،قوْیدوم مزاره
ایوای رقیّم،لایلای رقیّم
نسگلّی مهمان،باغرون اوْلوب قان،وئردون غریب جان،زار و پریشان
ایوای رقیّم،لایلای رقیّم
رنگون سارالدی،صبرون آزالدی،عمّوْن قوْجالدی،حسرتده قالدی
ایوای رقیّم،لایلای رقیّم
قمچی ووروب گر،شمر ستمگر،ای ماه منظر،اوْلما مکدّر
ایوای رقیّم،لایلای رقیّم
بوغملی سؤزلر،حسرتدی یکسر،ائتدیم کفن من،بیر کهنه معجر
ایوای رقیّم،لایلای رقیّم
ای داد و فریاد،من خانه بر باد،هیهات اوْلام شاد،ائتسم سنی یاد
ایوای رقیّم،لایلای رقیّم
اوْل اختر دین،گیزلتدی دردین،قبرون گؤرئیدی،حضّار و غمگین
ایوای رقیّم،لایلای رقیّم
**********
لا ادری

/ 0 نظر / 10 بازدید