گل فضه قاپوم یاندی شرارغمه یاندیم

استمداد حضرت زهرا(س) از فضه

 

گل فضه قاپوم یاندی شرارغمه یاندیم
سقط اولدی بالام محسن ئوزومده یارالاندیم
**********
اوج ایلدی آهیم فلک اطلسه چیخدی
ثانی ستمی سالدی ایاقدان منی یخدی
دشمن درودیوارآراسندا ایله سیخدی
دوشدی نفسیم تنگه حیاتیمدن اوساندیم
**********
آهیم یری وارنه فلکه سالسا شراره
ثانی یارالی قلبیمه ویردی گنه یاره
گل باشیمی آغوشیوه آل گیتمه کناره
ویرحیدرکرّاره خبرقانه بویاندیم
**********
اخطار ایله گلسون یانیمه نوردوعینیم
گورسون آناسین گوزلریمون نوری حسینیم
ظلمیله یقین قالدی آناسیز حسنینیم
جبرا ایکی نورسته بالامدان آرالاندیم
**********
اود ویردی بوبی شرم جماعت قاپی یاندی
قویموردوم آچیلسون اویره امر دایاندی
مسمارباتوب سینمه سینم یارالاندی
ئوز ئولماقیمی من بوجراحتدن ایناندیم
**********
زهراسسینی تا ایشیدوب فضه نالان
سسلندی گل ای شیرخدا حجت یزدان
ثانی خانمیم فاطمه نی سالدی ایاقدان
ضعف ایلدی باخدوقجا بونون حالینه یاندیم
**********
سرعتله چیخوب شیرخداصحنه اوساعت
ثانی یاخاسیندن یاپشوب شاه ولایت
سویلوب ایده بولمزدی جسارت بوجماعت
فرمایش پیغمبر اکرمدی دایاندیم
**********
یارب نیه بس شیرخدا گلمدی داده
زینب ییخیلاندا یارالی کربوبلاده
کلثوم دیدی یوخ بیرعبا آل عباده
بیرساتر اله گلمدی هرقدر دولاندیم
**********
شعراز : مرحوم حسینی سعدی زمان
هدیه بنی هاشم ص 43تا44

/ 0 نظر / 17 بازدید