مسلم یارالی تشنه، ترک ائیلدی دنیانی

شهادت طفلان حضرت مسلم(ع)

 

مسلم یارالی تشنه، ترک ائیلدی دنیانی
قوْیدی الی قوْینوندا، بیرجوت قوزی قربانی
************
چون سیف‌ بنی هاشم، چالدی ال آیاق قاندا
قالدی ایکی شهزاده،آواره بیاباندا
گه قالدیلا چؤللرده، گه گوشه‌ی زنداندا
تا چخدیلا زنداندان، بیر موقع بحراندا
آیا هارا گتسینلرغربت یری گون باتدی
آلله ایکی شهزاده، بس هاردا گئدوب یاتدی
************
ظلمت بوریوب شهری،گتسینله مکان یوْخدی
یا اوْردا اوْتورسونلا، دوشمنده امان یوْخدی
یا چؤللره قاچسینلا،قاشماقلیقا جان یوْخدی
یاپراق کیمی تیتریللر،رخساریده قان یوْخدی
قالساق دئدیلر بوردا،دشمن گؤره‌جاق قارداش
صبّاح زیاد اوْغلی،وای ئؤلدوره‌جاق قارداش
************
یوز قوْیدولا صحرایه، قان یاش الئییر گؤزلر
قوْرخوللا قارانلیقدا قاشدوقجابد‌ن تیترو‌ر
هردم اوْ کیچیک قارداش،آغلار اوجادان سسلر
گل غیر‌تیوه قربان،عبّاس وْ علی‌اکبر
باغریم قارالوب بابا،رنگیم سارالوب بابا
گل دربد‌راطفالون، چؤللرده قالوب بابا
************
دوردی یارالی قوش تک،دوشدی یوْلا یولّاندی
آغلاردیلا گئتدیقجا، صبح اوْلدی ایشقلاندی
بیر عور‌ت اوْ اثناده،گؤردی اوره‌گی یاندی
گتدی ائوه گؤز یاشلی، باشلارینا توْلاندی
سو وئردی غذا وئردی، تا گون دوْلانوب باتدی
بیر یئرده قوجاقلاشدی، یوْرقون بالالار یاتدی
************
یاتدی اوْ بؤیوک قارداش،روح اوچدی قانادلاندی
رؤیاده گؤروب ناگه فانوس خدا یاندی
پیغمبرخاتمدور،شاهنشه مرداندی
امّا اوجا قامتلی بیرشخص نمایاندی
دقتّله نظرسالدی،یاندی اورگ اوْدلاندی
گؤردی آتاسی مسلم،اؤز قانینه غلطاندی
************
فوْرا یوخودان دوردی،آز قالدی چیخا جانی
اوْل خرداجا قربانه،کشف ائیلدی رؤیانی
الان بابامی گؤردوم،جسمیند‌ن آخور قانی
بیز ترک ائدروق بولدوم،صبّاح بو دنیانی
حارث یوخودان دوردی، نصف‌ شب ظلمانی
گؤردی اوْ قارانلیقدا،آغلارایکی قربانی
************
قانون محمّد ده واجبدی مسلمانه
کافرده اگراوْلسا رحم ایلییه مهمانه
بیرظلم ائلدی بی‌دین،اوْل خرداجا قربانه
بیردن دئدی وای بابا،لبلر بوْیانوب قانه
اسدی یارالی لبلر،ترآخدی جبینیند‌ن
یالواردی امان ظالم،ئؤلدورمه یتیمم من
************
اوْل قانلی دوْداقلاردان،یاندیم سسی قوْزاندی
صبح اوْلدی ایشقلاندی،حارث قوْلی چیمراندی
بیرجوت بالاجا قارداش،وای قول قوْلا باغلاندی
گلدی اوْ خانم عور‌ت،باشلارینا توْلاندی
ابراهیم ئوزون دوتدی،اول عور‌ته یالواردی
گل آخرعمریمده،بیر کلمه سؤزوم واردی
************
الان باتاریق قانه، بوآخرساعتدور
وئردیق سنه چوْخ زحمت،بوآخرزحمتدور
بیر کلمه سؤزوم واردور،چوْخ غملی وصیّت‌دور
بیرخردا باجیم واردور،گؤزلر بیزی مدّت‌دور
گؤندراوْ قارا بخته،القانه باتان جامه
بیرجوت بالاجا کؤینک،بیرجوت یاشیل عمّامه
************
شاعر: منعم اردبیلی

/ 0 نظر / 16 بازدید