دیدی عم اوغلی علی بزم یاره گتمه لیم

گفتگوی حضرت زهرا(س)باحضرت علی(ع)

 

دیدی عم اوغلی علی بزم یاره گتمه لیم
حضوراقدس پروردگاره گتمه لیم
دیدیم بوسوزلریله کونی یاندیروب یاخما
دیدی اورک غمی گلمزشماره گتمه لیم
دیدیم سنیدون امیدیم چکوب بیرآه دیدی
بودردی یادیمه سالما دوباره گتمه لیم
نه دویموشام بالالاردان نه ده علی سندن
نه ایلیوم کسیلوب راه چاره گتمه لیم
مسافرم سفراوستنده حالیمی پوزما
سرشگ چشمیوی توکمه عذاره گتمه لیم
چتیندی آیریلا سندن بوروح مجروحیم
ولی چکورآپاروردلده یاره گتمه لیم
دیدی گل اگلش عم اوغلی ایدوم وصیّتیمی
چکیلمه بیرنچه لحظه کناره گتمه لیم
بتولی آخرعمرونده گل حلال ایله
فراق وقتیدی آیری دیاره گتمه لیم
گیجه زمانی ویروب غسلومی کفن ایله
غریبه لرکیمی تاپشورمزاره گتمه لیم
غمینده قویماسولا نوشکفته غنچه لریم
خزان یلی توخونا لاله زاره گتمه لیم
عم اوغلی غسلومی پیراهنیله ویرکی گوزون
ساتاشماسین بودل زخمداره گتمه لیم
نه بی نشان  اولی من تک سن کیمی مظلوم
اولیدی افّ بیله روزگاره گتمه لیم
اجل تری دوزولوب آنّینا آخوب گوزلر
سوزون دینمدی قیلدی اشاره گتمه لیم
دولاندیروب گوزونی حسرتیله بیرباخدی
شهادتینی دیوب تاکه گوزلری آخدی
**********
شعراز:صمدقاسمپور
منشورعاشورا ص 47 تا 48

/ 0 نظر / 11 بازدید