اولسون سلام حامی قرآن اولانلارا

تقدیم اولسون اولارا کی ئوزلری چوخلی یارالار باغلادیلار اما هیچ کیم اولمادی اولارین یارالارین باغلاسین.

 

اولسون سلام حامی قرآن اولانلارا
اولسون سلام قانینه غلطان اولانلارا
اولسون سلام آتا آنادان ال چکنلره
قربانی حکومت قرآن اولانلارا
اولسون سلام سنگره یورقون دوشنلره
خمپاره آتدا پیکری شان شان اولانلارا
اولسون سلام محرّم آییندا ئولنلره
کربوبلا شهیدینه مهمان اولانلارا
اولسون سلام زینب آدین ذکر ایدنلره
اولسون سلام زینبه قربان اولانلارا
اولسون سلام یاره سی باغلانمیین لره
قانلاری درد امّته درمان اولانلارا
اولسون سلام لاله کیمی قانلی یوزلره
اولسون سلام گل کیمی خندان اولانلارا
اولسون سلام رهبره لبیک دیینلره
اولسون سلام تابع فرمان اولانلارا
اولسون سلام حسین سسینه سس ویرنلره
جان نقدی الده عازم میدان اولانلارا
اولسون سلام خصمیله پیکار ایدنلره
چون سیل پرخروش خروشان اولانلارا
اولسون سلام عشق نمازین قیلانلارا
قاندان وضو آلوب یوزی الوان اولانلارا
اولسون سلام باشیله جاندان گیچنلره
سرباز پاک  ارتش جانان اولانلارا
**********
شعر از : کلامی زنجانی
کربلای ایران_ ص 92 الی ص93

/ 0 نظر / 17 بازدید