قلم عاشقدی زِبَس حضرت زهراآدینا

شان وجلالت حضرت زهرا(س)

 

قلم عاشقدی زِبَس حضرت زهراآدینا
باشلیُورمطلبی صدّیقه ای کُبرا آدینا
بیر نچه  کَلمه  یازا  مَفخَر  لَعیا آدینا
مام سِبطین آدینا اولساسرآغازسخن
وار اُمیدیم  قَلَمیم  ایلیَه اِعجازِ سُخن
**********
فاطمه آدی گَلن مَجلسون عزّت واریدی
اَرزیابی اِیلین یوخدی نَه قُدرَت واریدی
حُجّتِ   قائِمِ آل للّهه  نسبت  واریدی
آغلیوب آغلادانا شَخصآ اُزی ناظر اولار
آنانون آدی گَلن یرده اوغول حاضراولار
**********
ئُوزی تاپشورمشدی دفنی اُدورقالدی گِئجه
مرتضی گَنجِ حیانی ئوزی دفن اِیتدی گِئجه
دفن ایدندن صُورا بیلمم اِوینه گَلدی نِجه
صبحه تَک یاتمادی نوحه اِیلدی ئُوزئُوزونه
یارین اَلدَن وِِئره هرکیم یُوخی گَلمزگُوزونه
**********
مُجتباشَخصآ ئوزی آچدی اویانمیش قاپونی
ظُلمدن  تُوستسی  اَفلاکه دایانمیش قاپونی
اِئتمه  ایراد دِئسَم  قانه بویانمیش قاپونی
نکثه   باریکیدی بُو مطلبی  هُشیار بیلر
سینه ای حضرت زهرا ایله مسمار بیلر
**********
باب  ماتم  آچوُقیدی  او گُون  اهلِ وطَنه
مرتضی  شَخصآ   ئُوزی  مُنتظریدی گَلَنه
گَلَن اولمادی خطاب ایلدی اوغلی حَسَنه
بیز  بو  یثرُبده  غریبُوک قاپونی باغلیاقون
وِیره گُون باش باشا ایوده ئوزوموزآغلیاقون
**********
دُورت بالا  بیر آتا زهرایه  قُوروب  بَزم  عزا
رُوحِ    پیغمبر   خاتمده قوشولدی  اُولارا
ناگَهان صَحنِ سَراده ایلدی فضّه صدا
یاعلی تیر ستم قلبُوَه آز قالدی ساچا
ثانی ایستور خانموم فاطمه نون قَبرین آچا
**********
فضّه نون غملی سُوزی زینبی ایتدی  نگران
ایاقادُوردی یریندن چَکوب اَل اوخشامادان
ذُولفقاری  گُتوروب گَلدی بیانه باباجان
چُوخ یوبانسان بُلوسن سَمتِ بَقیعه قاچارام
آنامون قَبرینه اَل  دَگسَه اگر باش آچارام
**********
کِچدی دیباچِه ای سُوز مطلبیمه مُلتفت اول
بُو گُریزی یازورام قَلبِ ایلیور وَحشَت وهُول
زینبی واهیمیه فضّه سالوبدورایکی یُول
بیری یَثرُبده ایشیدوز بیلورَم دقّتیله
بیردَه  کرب و بلاده  ایشیدون رقّتیله
**********
اُسرانی باشینا ِیغمیشیدی زینبِ زار
فضّه  گلدی  اَلی  باشدا ئوزی  بی صبر و قرار
قلبِ لَشگرده چَکوُر کوفه نون اهلی دیدی جار
سوزی  پَردِیله  دیوم ایش چَتینه یتدی خانم
آتلارون  نَعلینی دُشمنلرعَوض اِیتدی خانم
**********
شعر از : مرحوم انور

/ 0 نظر / 16 بازدید