زینب ای فاطمه نین مظهرتقواسی قیزیم

وصیت حضرت زهرا(س) به حضرت زینب(س)

 

زینب ای فاطمه نین مظهرتقواسی قیزیم
وی علینون مثل صبروشکیباسی قیزیم
آغلاما آغلاماقون آرتیراجاق رقّتیوی
گیده جاق خاطریوین قدرت یاراسی قیزیم
گل ایشیت آخرعمرومده وصیّتلریمی
آناوین واردی ثمربخش وصایاسی قیزیم
فتنه لریاغسادا صبرایله ایتیرمه ئوزووی
سنده قوی صورته صبرین دوشه معناسی قیزیم
مندن آیریلماقا صبرایت بوایوین چون سن ئوزون
اولاجاقسان من ئولندن صورا زهراسی قیزیم
سن بوگوندن اولاجاقسان آناسیزلارآناسی
واردی سندن آناوین بیربوتمنّاسی قیزیم
آنالیق ایله حسینیله حسن قارداشیوا
آنالازمدی اولا عاطفه دریاسی قیزیم
دولمیه خاطر آزاد علی غصّه ایله
اولسا ناراحت اولار روحیمون ایذاسی قیزیم
من که آزعمرومی صرف ایلموشم خدمتینه
حالتیمدور بوسوزون شاهدگویاسی قیزیم
بیعت اوستونده علی خاطرینه ئولدی بالام
هم بوکولدی آناوین قامت رعناسی قیزیم
بیرده بیرگون گوره سن لعل لبینده حسنون
قانه آغشته اولان سوده الماسی قیزیم
عمرونون گلشنینی زهرجفا سولدوراجاق
باتاجاق یاسه اونون یاسمن ویاسی قیزیم
بیرده واربیرسفرعشق سنی کامل ایدر
واردی چوخ کشمکش وشورش وغوغاسی قیزیم
کربلایه بوحسینیله دوشنده گذرون
حلّ اولار اونداسنه عشق معمّاسی قیزیم
ای گوزوم نوری وفا کانی همان گونده گرک
زینبون ظاهر اولا همّت والاسی قیزیم
**********
مرحوم حاج حیدر خوندل
ارمغان تائب1
ص 36 تا 40

/ 1 نظر / 18 بازدید
کبری

[گل][گل][گل][گل][گل][گل][گل][گل][گل][گل][گل][گل]