آلله رضاسی رحم ائت، بیز بینوایه حارث

زبانحال طفلان حضرت مسلم(ع)

 

آلله رضاسی رحم ائت، بیز بینوایه حارث
دوْران بیزی سالوبدور،یوز مین بلایه حارث
************
ائتمه بیزه اذیّت،سالما بیزی ایاقه
هئچ کیمسه اؤز ائوینده،ظلم ائیلمز قوْناقه
ظالم مروّت ایله،ایکی یتیم اوشاقه
بیرکیمسه یوْخ یتیشسین،آخر هرایه حارث
************
ال ساخلا چکمه خنجر،پیغمبره باغیشلا
شیرخدایه گل گئچ،اول سرو‌ره باغیشلا
قان یاش تؤکن ستمد‌ن بوگؤزلره باغیشلا
اوْلسا گناهیمیز گئچ،خیرالنّسایه حارث
************
دهرین ستملریند‌ن،گؤز یاشی قان اوْلورموش
آیری دوشن وطند‌ن،شغلی فغان اوْلورموش
دشمن الینده قالدوق، غربت یامان اوْلورموش
ئؤلساخ بیری تاپولماز،گلسین عزایه حارث
************
ای کاش گلمییدوق،بیز بودیاره آخر
قوْم وْقبیله‌میزده‌ن دوشدوق کناره آخر
رحم ائیله حق رضاسی،بو آه وْزاره آخر
شیو‌ن سسی یتیشموش، اوْج سمایه حارث
************
یوْخ اوستوموزده آچسون، بیکس آنام باشینی
زولفین یوْلوب یوزینه،تؤکسون گؤزون یاشینی
قارداش یانندا ظالم، ئؤلدورمه قارداشینی
دور بیر خیال ائیله بو ماجرایه حارث
************
غربت ولایت ایچره،کیمسه پناهیمیز یوْخ
چاره یوْلی کسیلموش،بیردادخاهیمیز یوْخ
ئؤلدورمه بیز یتیمی،بالله‌گناهیمیز یوْخ
قلبین ند‌ندی یانماز،بوآه وْوایه حارث
************
ائتدی بیزی وطند‌ن،بوگردشئ زمانه
قوم وْقبیله گؤرماق،گلمز داخی گمانه
کس زلفومیزی گؤند‌ر،باجیمیزا نشانه
قارداش دئسین دالیجا،باتسون قرایه حارث
************
اوْلسا گناهیمیز گئچ،سن خالق جلیله
گل بیر ثواب ائیله،اوْل بیزلره وسیله
تیکموش یوْلوموزا گؤز،باجی آنا قبیله
رحم ائیلمه‌ یتیمه،خوْشدور خدایه حارث
************
دوشموش غم وْبلایه،بونائح پریشان
نوحه یازار همیشه،شغلی اوْلوبدور افغان
محشر گونی باغیشلار،جرمین خدای منّان
اوْلموش دخیل از‌لد‌ن،آل عبایه حارث
************
شعراز:نائح

/ 0 نظر / 19 بازدید