دردیم دواسی زهـرا روحیم صفاسی زهرا

زبانحال حضرت علی(ع) دربقیع

 

دردیم دواسی زهـرا روحیم صفاسی زهرا
گزلینده قبره گئتمیش گیزلین یاراسی زهرا
آواره دور عم اوْغلون
**********
زهرا منی دانیشدیر آز قلبیمی آلیشدیر
گؤگلون کوسوبدی مندن سنی حسین باریشدیر
آواره دیر عم اوْغلون
**********  
رسوا ائدیبدی کوفری، پئیغمبری شعارون
سندیردی دست ظلمی، زیبا سؤزون، وقارون
بیلمم کی دوشدی هاردان، جبرن سنین گذارون
غسلون وئرنده گؤردوم، نیلی اوْلوب عذارون
آواره دیر عم اوْغلون
**********  
واردور یری اوجالسا هر لحظه شوروْشینیم
قوْل باغلیام قضاد‌ن، چارم کسیلدی نیلیم
آواره دیر منیم تک ایستکلی نورعینیم
زینب غمونده اوْخشار، دائم ملر حسینیم
آواره دیر عم اوْغلون
**********  
جسمون بوروندی نوره، فانی دیاره گلدی
اوْن سگیز ایلده بختون، تز دؤندی قاره گلدی
مسمار اوْلوبدی باعث، سینه‌ن فشاره گلدی
بیر گونده دوْقّوز ایللیخ، عشقون عیاره گلدی
آواره دیر عم اوْغلون
**********  
من شاهکارخیلقت، سن شأن ملک جنّت
آیاته من مفسِّر، سن سوره‌لرده‌ن آیت
والشمس و الضحایه سنسن گؤز‌ل علامت
سن یاتمیسان یارالی، من قالمیشام خجالت
آواره دیر عم اوْغلون
**********  
ظلم اهلینین داغیلسین، زهرا گؤروم تیفاغی
گلزاری برهم ایتدی، سیندیردی گول بوداغی
آخشام یانار چراغلار، خلقین گلر قوْناغی
باخ گؤر آناسیز ائوده، کیم یاندیرار چراغی
آواره دیر عم اوْغلون
**********  
قبر اوستنه گلنده، من دل شکسته هر شب
اشک ملایم ائیلر، گؤز کاسه‌سین لبالب
گؤررم حسین سیزیلدار، اوْخشار سنی مرتّب
غم دیزلرین قوجاقلار، آغلار دالمجا زینب
آواره دیر عم اوْغلون
**********  
قوش آشیانی مثلی، برباد اوْلوب تیفاغیم
هر گون گؤرم مزارون، وار دلده اشتیاغیم
روحیم دوشوب صفادن، گلمز یره آیاغیم
هئچ یانمیوب مرتبّ، سندن سوْرا چراغیم
آواره دیر عم اوْغلون
**********
شاعر: سیفی اردبیلی


/ 0 نظر / 128 بازدید