بو گون امیر ولایت ئولدی

شام غریبان حضرت علی(ع)

 

بو گون امیر ولایت ئولدی
وصیّ ختم رسالت ئولدی
قالدی یتیملر گوزلری یولاره حسرت
مظلوملردن ایلین حمایت ئولدی
**********
اوج وفایه هما علیدور
جمالی بدرُالدّجا علیدور
یاندیردی یاخدی زاده ی ملجم جهانی
بیر ضربتیندن هیکل هدایت ئولدی
مظلوملردن ایلین حمایت ئولدی
**********
دوشدی ایاقدان شیر شجاعت
قانه بویاندی محراب طاعت
فریاد و واویلا اوجالدی نه سمایه
روح دیانت محیی شریعت ئولدی
مظلوملردن ایلین حمایت ئولدی
**********
شمس ولایت دوشدی خسوفه
باتدی ملاله دیار کوفه
دوزدی دایاندی هر غم و درد و بلایه
دریای حلم و صبر و استقامت ئولدی
مظلوملردن ایلین حمایت ئولدی
**********
قوندی غبار غم عالمینه
آغلار ملائک حال حسینه
آچدی باشین روح الامین گلدی نوایه
بولدی علی ئولدی یقین عدالت ئولدی
مظلوملردن ایلین حمایت ئولدی
**********
ماتم سرادور عرش معلّی
آغلور بو غمده زهرا و طاها
غرق عزادور عالم امکان بو گونده
معنای قرآن، مظهر عدالت ئولدی
مظلوملردن ایلین حمایت ئولدی
**********
سویلر ابوالفضل چوخ یانه یانه
مثلی بابامین گلمز جهانه
زینب دیردی گل آنا زهرا عزایه
دین اوسته چوخ چکدی بابام مصیبت ئولدی
مظلوملردن ایلین حمایت ئولدی
**********
قبائیلی بو شعره ویروب دم
تقریر اولوندی ایّام ماتم
آغلار گوزیله «جابری» یازدی بو بیتی
مظلوملردن ایلین حمایت ئولدی
**********
شاعر : حاج تقی جابری

/ 0 نظر / 20 بازدید