ای کوفیه مهمان گئدن-سر نیزه اوستونده

ورود به کوفه

باتشکر از زحمات سرور عزیزم جناب آقای خلیل انتظاری

 

ای کوفیه مهمان گئدن-سر نیزه اوستونده
قرآن تلاوت ایلین-سر نیزه اوستونده
**********
کربوبلادن کوفیه- گلدیم یانایانه
قول باغلی یورقون یاره لی –باغریم دونوب قانه
اولدوم اسیرلر رهبری-دای گلمیشم جانه
رخساره قان یاشین توکن-سرنیزه اوستونده
**********
یانسین بو کوفه اهلینون-غمخواری آی قارداش
سالدی بیزی چولدن چوله-اشراری آی قارداش
قالدی سینمده یاره و-آثاری آی قارداش
ای زینبین دردین بیلن-سر نیزه اوستونده
**********
درده بو اثناده منی-دیل یاره سی سالدی
اَلدن قوامی کوفه نین-  عورتلری آلدی
غم تیرینی بو قلبیمه -هجران غمی چالدی
باخ حالیمه ای بی کفن-سرنیزه اوستونده
**********
نهر اوسته عباسون یاتوب-قانه باتوب اکبر
نه وار محمد،عونیله-عبدالَله و جعفر
اهل وعیالونده قالوب-چوللرده بی معجر
قویدی سنیده اهرمن-سرنیزه اوستونده
**********
کربوبلاده قالمادیم –ایکاش قالیدیم من
جسمووه سایه سالمادیم –ایکاش سالیدیم من
دردوبلاوی آلمادیم-ایکاش آلیدیم من
آچ گوزلرون دیلدن دوشن-سرنیزه اوستونده
**********
شعر از : اصغر الماسی

/ 0 نظر / 14 بازدید