عمّه‌جان یقین ئؤللم،چون منه عیان اوْلدی

حضرت رقیه(س)- مکالمه باجضرت زینب(س)

 

عمّه‌جان یقین ئؤللم،چون منه عیان اوْلدی
گلمدی علی اکبر،جان وئر‌ن زمان اوْلدی
**********
دور چراغی بیر یاندور،عمّه‌جان سنی تاری
قوْی دوروم آیاق اوسته،بیر باخیم وطن ساری
بیر وصیّتیم واردور،ائیله گؤز یاشون جاری
اکبریم فراقیندا،باغریم عمّه قان اوْلدی
 **********
ای اسیرآواره،تاپمادیم سنه چاره
گل قوجاغیمه قوْیما،گول یوزووی دیواره
یتدی قارداشیم ئؤلموش،رحم ائله من زاره
باشیمه گلوب طوفان،ای رقیه جان لای لای
**********
بوخرابه ده ئؤللم،سوْلدی گول بوداقیندا
قالدی گؤزلریم یوْلدا،اکبرین فراقیندا
گل چالیش گیلن عمّه،من یتیم سراغیندا
معجرین کفن ایله،چوْخ حالیم یامان اوْلدی
**********
ای یتیم بیچاره،زینبون ند‌ن ئؤلمز
کثرت قناعتد‌ن،گؤزلریم بالا گؤرمز
بیر نفر غریب اوْلسا،کیمسه یانینا گلمز
من اوْلوم سنه قربان،ای رقیه جان لای لای
**********
عمّه جان یقینیمدور،نعشیمه کفن اوْلماز
من بوحالیله ئؤللم،زنجیریم آچان اوْلماز
گلمدی علی اکبر،قبریمی قازان اوْلماز
جان گلوب دوْداغیمه،مهلتیم بیرآن اوْلدی
**********
شام وْکوفه‌نین اهلی،تؤکدی قانلی گؤز یاشیم
چوْخ منی دانیشدیرما،ئؤلدی یتدی قارداشیم
طاقتیم گئدوب الد‌ن،گؤر قرالی دیر باشیم
باشیما گلوب طوفان،ای رقیه جان لای لای
**********
اوزدولر الیم آلله،ماه بی‌قرینه مد‌ن
حسرت آیریلورجانیم،خرداجا رقیه ‌مد‌ن
حشر اوْلونجا بونسگل،سوزوْآه سینه ‌مد‌ن
گتمز ای مسلمانلار،ای رقیه جان لای لای
**********
شاعر: ذاکر مراغه ای

/ 0 نظر / 17 بازدید