صدره مکاندی بزم جلالتده فاطمه

شان وجلالت حضرت زهرا(س)

 

صدره مکاندی بزم جلالتده فاطمه
هم کفومرتضادی لیاقتده فاطمه
اهل کسانون عزتی خلقت چکیده سی
بی مثلیدور نژادونجابتده فاطمه
مرضیه ومحدثه صدیقه طاهره
خطی جلیدی لوح شرافتده فاطمه
قدری بولونمیوب هله بوروزگاریده
یوخدور بولن نه شخصیدی خلقتده فاطمه
بیرگون اولور ولی بولونور قدروقیمتی
ظاهراولاندا یوم شفاعتده فاطمه
پیراهن حسینی سالن وقته باشینه
عباس الی الینده قیامتده فاطمه
بیر گوندی که اوگون غم ومحنت رواجی وار
پیغمبرینده فاطمیه احتیاجی وار
افسوس بوجلالت وبواعتباریله
صدحیف بواصالت وشان ووقاریله
خاک بقیعده ایله پوزقوندی مدفنی
مونس اولوبدی توده گرد وغباریله
یوخدور دیین مدینه لیلر ایلیون حیا
هم مسلک اولمیون فلک کجمداریله
زهراسیزون پیمبریزون یادگاریدور
علت ندورعنادایلیسوز یادگاریدور
**********
شعر از : مرحوم انور

/ 0 نظر / 9 بازدید