بهارعمروم آز قالور اوْلا خزان عم اوْغلی جان

زبانحال حضرت زهرا(س)

 

بهارعمروم آز قالور اوْلا خزان عم اوْغلی جان
گئدیر مزاره فاطمه چیخیر بوجان عم اوغلی جان
**********
یوزوم جهاندا گولمدی همیشه ائتدیم آه و زار
اریتدی بو وجودیمی غم و فشار روزگار
گؤزون فداسی آغلاما غمیمده اوْلما بی‌قرار
بوقدر پوْزما حالیوی دؤزوب دایان عم اوْغلی جان
**********
جهاندا گر چه سختدور گولون فراقی بلبله
عم اوْغلی اشگ حسرتین عذاره تؤکمه بیر بئله
قصوریم اوْلسا گر منیم بوحالیمه گذشت ائله
اورکده قالدی گرچه بوغم نهان عم اوْغلی جان
**********
نقدر ظلم ائدیبدیلر اوْلوب صبور دؤزموشم
بلالی سینمه گلن خدنگ ظلمی دوزموشم
بو بی وفا جهانیدن داخی دؤیوب ال اوزموشم
بومرغ روح جسمیدن اوْلور روان عم اوْغلی جان
**********
عدو ائدن جفا منیم قرار و صبریمی آلوب
اوْ گونکی ثانی ظلمیله بودودمانه اوْد سالوب
بو غمکشیده فاطمه بیر اؤزگه حالته قالوب
کی شرم ائدیر اوْ حالینی ائده بیان عم اوْغلی جان
**********
قالاندا پشت درده من، بوکولدی بوقد علم
ائله فشاره سالدیلار کی تنگه گلدی حوصلم
اوْلاندا سقط محسنیم اوْ قدر قالمادی اؤلم
چاغیردیم اوْندا فضه‌نی گئدیب توان عم اوْغلی جان
**********
چتین دوباره بیرده من بیله فراغت ائیلییه‌م
گل اگلش ایستیر‌م سنه نچه وصیت ائیلییه‌م
بوآخرین وداعده سنیله صحبت ائیلییه‌م
سنه قوْناقدی فاطمه بیر آز زمان عم اوْغلی جان
**********
منی قوْیاندا قبره‌سن قییتما تئز بیرآز دایان
سؤال ائده‌ن ملکلرین جوابینی وئر‌ن زمان
بولرسن اوْندا قوْرخارام نقدر اوْلسا مهربان
بؤیوک وسیله‌سن منه بودور گمان عم اوْغلی جان
**********
گلنده دودمانیوه یئریم گؤروشسه آغلاما
یتیم بالالارا گؤزون دوشنده سینه داغلاما
عذاره اشگ چشمیوی چوْخ حسرتیله باغلاما
یتیمه زینبیم گؤر‌ر ائد‌ر فغان عم اوْغلی جان
**********
بلالی زینب‌ین هله باشندا وار مصیبتی
دیار کربلاده چون گئد‌ر جلال و شوکتی
سنین قیزوندی وار اوْنون شهامتی شجاعتی
جهانیانه قدرتین وئر‌ر نشان عم اوْغلی جان
**********
لا ادری

/ 0 نظر / 15 بازدید