علی مزاره قویاندابتول عذرانی

احوالات دفن حضرت زهرا(س)

 

علی مزاره قویاندابتول عذرانی
دولوب بولودکیمی توکدی یوزه جگرقانی
دل آچدی دردودله ختم الانبیائیله
مخاطب ایلدی گوزیاشلی شاه بطحانی
سلام اولا سنه مندن بلالی زهرادن
که غصه یوردی ایدوب غمله ترک دنیانی
قیزون بتولیدی گلدی جوار رحمتیوه
تیز اولدی گلماقی وصلیله آتدی هجرانی
خلاص اولوب ئوزی امّا علینی تک قویدی
فراق غصّه سی یالقیزلادی بوتنهانی
منیم بتول بودنیاده پشتوانه میدی
اوگیتماقیله شکست ایلدی بونالانی
ئولن زمانیده دیداریوه سنون مشتاق
گیدوب زیارت ایدردیم اوستر کبرانی
دولاندا داغلی اورک دردوغمله مالامال
منیم دیلیمده آلاردی غم فراوانی
دیردی صبرایله مظلوم عم اوغلی صبرایله
بولودکیمی دوتولوب توکمه اشگ بارانی
همان بتول کی سرمایه سروریمیدی
ایدردی زایل اورکدن ملال پنهانی
الیمله دفن ایلدیم من  سنون جوارونده
الی یارالی بوپهلوشکسته بیرجانی
اوگوهریکه امانت قویوب ئوزون گیتدون   
ئوزووه ردّایدورم ای نبّی سبحانی
گذشت ایله بوگوهراگر شکست اولسا
که سن ئوزون بولوسن بیربه بیر قضایانی
قاپومدا اولدی نه لر من چیخاتمارام یاددان
اویادیله توکرم اشگ چشم گریانی
**********
شعر از: مرحوم تائب
 یادگارتائب ص 90 تا 94

/ 0 نظر / 16 بازدید