ای آخان مسجده قانی وای بابام ای وای بابام

شهادت حضرت علی(ع)زبانحال حضرت زینب

 

ای آخان مسجده قانی   وای بابام ای وای بابام
یاندیریبسان مصطفانی    وای بابام ای وای بابام
**********
خالق عالم وئروبدی رتبه شایان سنه
ماتمینده یاس توتوبدی جنت و رضوان سنه
ای نماز اوسته وئرن جان زینبون قربان سنه
آتما سن بو باغریقانی   وای بابام ای وای بابام
**********
بیر دویونجا آغلیام من اولمادی هیچ فرصتیم
گتدی ای سلطان خوبان سن سیز آخر عزّتیم
اولدی زینبیله حسین تک کوفه ایتامی یتیم
قویدون آغلار مجتبانی   وای بابام ای وای بابام
**********
ای غریبانه وئرن جان عالمین سلطانی سن
خوش سنون اقبالیوه چون فاطمه مهمانی سن
قوت قلب  رسول الله و  زهرا جانی سن
قاره پوش ایتموش جنانی   وای بابام ای وای بابام
**********
گورسه باشونده یارانی عالمی داغلار ننم
یاس دوتار جنتده زهرا حالیوه آغلار ننم
یاروه مرحم قویار هم باشیوی  باغلار ننم
یاندیرار عرض و سمانی   وای بابام ای وای بابام
**********
وار یری بو قلب زاریم هی یانا هی دوگونه
بختی قاره  زینبه باخ قالدی نه قاره گونه
یانارام بختیمه الله نجه دوشدی دوگونه
چرخی سینسون بو زمانی  وای بابام ای وای بابام
**********
قاره بختیم ظلم الیله گورنجه  اولدی قارا
وار یری تیر مصیبت بو یانان قلبی یارا
سجده دن باش قوزویاندا باشیوه دیدی یارا
باغلیانمادیم  یارانی   وای بابام ای وای بابام
**********
شعر از : رامین محمدزاده

/ 0 نظر / 22 بازدید