قاره گیه روق قانه باتانلار عوضیندن

تقدیم اولسون اولا را کی باش ویردیلر باش ساخلیاق

 

قاره گیه روق قانه باتانلار عوضیندن
امداده حسینی چاغیرانلار عوضیندن
برپا ایدروق ماه محرّمده عزانی
بویولدا باشی باشدان آتانلارعوضیندن
عشق اهلی حسینیه لره قاره چکللر
حق عشقینه سنگرده یاتانلارعوضیندن
عنوان شهادت اله قرمز الم آللوق
قان شهرینی دشمندن آلانلار عوضیندن
اشگیله گرک یوزده یازاق نام حسینی
قانیله بیزه نامه یازانلار عوضیندن
افسوس اولار گورمه دیلر کربوبلانی
بیز نالیه گللوق اوجوانلارعوضیندن
نوحه دیه روق آهیله آزاده حسینه
بغدادیده زنداندا قالانلارعوضیندن
مسجدلری سنگر ایدروق سینییه وورّوق
سنگرده دروب سینه وورانلارعوضیندن
آغلوللا اولار هرگیجه توپراقلارین اوسته
بیز آغلاروق اول اشگ فشانلارعوضیندن
غم سینه سینه نصب ایدروق نام حسینی
بیر عدّه او بی نام ونشانلارعوضیندن
یاران حسینون چوخونون نعشی تاپیلمور
 ایوای دیه روق چوخ نگرانلارعوضیندن
ای شیعه عمل ایله پیام شهدایه
قیل اشگی روان پاک روانلارعوضیندن
اللاهه گوره ایله شهید اوغلونا خدمت
دیندیر قاپوسی باغلی قالانلارعوضیندن
**********
شعر از : کلامی زنجانی
کربلای ایران- ص 82 الی ص83

/ 0 نظر / 8 بازدید