جان ویروب زهرا علی اولی غمینده سوگوار

شهادت حضرت زهرا(س)

 

جان ویروب زهرا علی اولی غمینده سوگوار
گوزیاشین رخساره توکدی شهرعشقه شهسوار
بیرنفردنیاده یوخ زهراکیمی مظلوم اولان
گورمیوبدور بیربیله مظلومه دور روزگار
آل پیغمبر گرفتاراولدی دائم محنته
شیرحقّی گورنجه محصور ایدوب رنج وفشار
ظلمت شبده بتولین مرتضا غسلون ویرور
ایستمور بیگانه لر تاپسون بو امره اختبار
نقل ایدور راوی که گوردوم صبر دریاسی علی
گلدی ناگه نالیه گیتدی الیندن اختیار
چوخ پزولدی حالتی بیرشدّتیله آغلادی
اشگینی جاری ایدوب رخساره چون ابربهار
حالیمی پوزدی امامین حالتی عرض ایلدیم
ای هامی عالم سنون صبرونده حیران وفگار
فرقت زهراسنی آیا بیله محزون ایدوب
واردی یا آیری بیرعلّت ای امام بردبار
ایتدی فرمایش بتولین محنت هجرینده من
واردی حقّیم آغلاسام قیلسام ئولونجه آه وزار
وارولی بیرآیری علّت صبریمی تاراج ایدوب
سنگ خارایه اثر ایلربوشرح ناگوار
پیکرزهراده گوردوم تازیانه یرلرین
قمچی دشمن وجودین ایلمیشدی زخمدار
ئولدی دردین محرم اسرارینه بولدورمدی
اولمادی راضی ملول اولسون ولیّ کردگار
وارعقیدم محضرپیغمبراکرمده هم
مرتضانین حفظ ایدرشخصیّتین اول باوقار
یعنی اظهار ایلمز قمچی ووروب دشمن منه
قوللاریمدا تازیانه نقشینون آثاری وار
قنفذ وثانی جفاسین غصب ملکون سویلمز
محسنون سقط اولماقین کشف ایتمز اول والاتبار
**********
مرحوم حاج حیدرخوندل
ارمغان تائب7
ص 80 تا 82

/ 0 نظر / 20 بازدید