مدینه اهلی گلون اوخشیاخ جوان ننه می

زبانحال حضرت زینب(س) بعد از شهادت مادرش

 

مدینه اهلی گلون اوخشیاخ جوان ننه می
قاپی دالندا تهاجم گونی قالان ننه می
گورون فلک من زاری نه تیز یتیم ایلدی
نقدرآختارورام تاپمورام جوان ننه می
جنازه سین گجه وقتی بابام مزاره قویوب
بقیع چولی آلوب آغوشه مهربان ننه می
اگرچه یتدی نفرظاهرا ایدوب تشعیع
آپاردی گوگلره باطنده قدسیان ننه می
بقیعده یاتسادا روحی ملائکیله گزور
یقین زیارت ایدور اهل آسمان ننه می
یرینی بوش گوروب ای بیوفالر آغلورسوز
گورنمه سوز داخی اول قبربی نشان ننه می
ریایی آغلاماقوز روحیمه شکنجه ویرور
که غصه مرگ ایلدوز قامتی کمان ننه می
نواسی قویمازیدی استراحت ایلیه سوز
اودورکه زحمته سالدوز اوجانفشان ننه می
بس اعتراض ایلدوز گیتدی بیت الاحزانه
بابا داغی دیمه دوز یاندیرور یانان ننه می
اوقدری یاندی بیاباندا شمع تک اریدی
جوانلیقیندا قوجاتدی غم گران ننه می
داخی یانان قاپینون حیف اولا محافظی یوخ
سالوب ایاقدان اوهنگامه قهرمان ننه می
حکومت اولماسا مانع مدینه دن گیده روق
بوشهریده هانی بیریادینه سالان ننه می
باتاندا میخ درسینه سینه هایاندیدوز
که فضه داده گلینجه آپاردی قان ننه می
 نه بیرعیادته گلدوز نه حالینی بولدوز
قویون اوزوم دانیشیم دویدولر هاچان ننه می
اوغملی کوچه ده فریادینه گیدیدوز کاش
که ثانی ظلیله قورخوتدی خسته جان ننه می
اوکوچه ده نلر اولموشدی منده بولموردوم
که بیرگونی دیله دوتدوم دانشمیان ننه می
دیدیم ننه نیه مندن یوزووی گیزلدیسن
سئوالیم ایتدی پریشان شیرین زبان ننه می
بویوردی گوزله بابان بولمسین یوزوم گوروب
بوسوزده باغریما باسدیم گوزی دولان ننه می
دیدی قوجاقلاما پهلولریمده صدمه گوروب
دوروب دعا ایلدیم گل کیمی صولان ننه می
**********
شعراز : کلامی زنجانی
عاشقان شهادت 

/ 0 نظر / 91 بازدید