فلکین جفاسی هرگز،یئتیشن دگول تمامه

شهادت امام رضا(ع)

 

فلکین جفاسی هرگز،یئتیشن دگول تمامه
گلین آغلایاق بوگون بیز،گینه بیر غریب امامه
**********
وار اگر صفای قلبون،نظرینده ائت مجسّم
گلوب حجر‌یه بویرده،اوْ شهنشه دوْ عالم
گل اباصلت ائیله ایندی،هامی فرش خانه ‌نی جمع
قوری یرده من وئریم جان،اوْ خدای لاینامه
**********
منه زهر وئردی مأمون، ئؤلور‌م ائدیم نه چاره؟
جگریمی زهرکینه،ائلیوبدی پاره پاره
ائله بیرجه طشت حاضر،بوغریب دلفگاره
نئجه گؤر شراب مئحنت،گینه چرخ تؤکدی جامه
**********
ائدوب عرض اباصلت اوْندا،اوْ امام انس وجانه
گتیرور سنین بوحالون،من زاری چوْخ فغانه
سنه من فدا باخورسان،نیه چوْخ اوْیان بویانه
دئدی گؤزلور‌م کی اوْغلوم،گله تا یئتم مراده
**********
بوسؤزی بویرده گؤردوم،اوْ زمان من جگرخون
گلی بیر نجیب سیّد،ولی چوْخ ملول وْمحزون
یتیشوب آتا بالایه،اوْلوب حالتی دگرگون
دوشر اوْندا گؤر نه حاله،یئتیشه امام امامه
**********
بلی بوامامی مأمون،ائلدی ستمله مسموم
بوغم اهل عالمینی،ائلدی ملول وْمغموم
گینه دوشدی شیعه یاده،اوْ غریب حسین مظلوم
بوشهنشهین یتیشمز،غمی محنتی تمامه
**********
شاعر: دلریش

/ 0 نظر / 7 بازدید