بوحدیثی بُویوروُب حضرت صادق عَلنی

شهادت حضرت زهرا(س)

 

بوحدیثی بُویوروُب حضرت صادق عَلنی
مُخبِرِ اَعظمِ اولاد رسول مَدنی
قُنفُذون ظلمی جَوانمرگ ایلدی فاطمه نی
ضربه لر که آناماووردی اوبی شرم غُلام
آیری عورت دوزه بولمزدی آنام ایتدی دوام
**********
گون بگون پیکری تحلیله گیدوب اولدی نَحیف
اَریمشدی اَریَن شمع  تک  اولجسم شریف
دورا بولموردی ایاقَه ایله اولموشدی  ضعیف
اُورَگی غملی گوزی یاشلی غذا خونِ جگر
اَجَله مُنتظریدی  او  خانم  شام  و  سحر
**********
گون او گون اولدی وَفات ایتدی او ناموس اَزَل
آغلیان گوزلرینه غالب اولوب خواب  اَجَل
مرتضی قیلدی  وصیّت لرینه بیربیر  عَمَل
صَحنِ منزلده گئجه نصفی او مولای زَمَن
کوینگ اوستَن اونا غُسل ایتدی گیندیردی کَفن
**********
قویدی تابوته بتولین  بَدنین  شاه  وِلا
وِیردی دَستور اوگَنجِ عَلَوی دَفن اولونا
باخدی زینب آناتابوتی گئجه دوشدی یولا
قاره گونلر قیزیوین سن دیدی دینجَلدون آنا
اَلی قُوینوندا قُویوبسان بیزی خوشگلدون آنا
**********
ماحَصَل  یدّی  نفر یولداش  اولوب مولایه
یتوروبلر    خانمی    دفن اولونان ماوایه
مرتضی گوردی گیدور الده  اولان سرمایه
هرقدَر سعی ایلدی مالک اولا صبر ایوینه
اورگی گلمدی زهرانی  قویا  قبر  ایونه
**********
نقدر فکر ایلدی گوردی غم اطرافین آلوب
گهی مبهوت گهی صوتِ نواسی اوجالوب
دردیمون چاره سی زهرا دیدی اللّهه قالوب
من نجه  پیرهن  وصلوی بویرده سویوم
صبر عطا ایلسون اللّه سنی من قبره قویوم
**********
اولِقای صمدی دوتدی حقه روی نیاز
ایکی رکعت ایلدی حضرت معبوه نیاز
یالواروب کعبه نون اللّهینه سلطان حجاز
بارالها سن علینی ایله بو غمده صبور
قبره طاها گُلونی تاپشوروم ای حیّ غفور
**********
ایکی رکعت اونمازیکه  علی  ایتدی  ادا
حق تعالی اونچون صبرجمیل ایتدی عطا
قیلدی مثلین اونمازین شه دین عاشورا
نه زمانیدی  نه وقتیدی یوخیدی  قالانی
قبره ایستوردی قویا یوزگوزی قانلو بالانی
**********
مرتضایه گینه همدم واریدی یدّی نفر
یار و یولداشسیزیدی اوغلی حسین تشنه جگر
نقطه ای دایره تک دوره سین آلموشدی خطر
اللّری اوسته قالوبور قوزی قربان یارالی
دیلینون اَزبریدور جان یارالی جان یارالی
**********
شاعر : مرحوم انور اردبیلی

/ 0 نظر / 17 بازدید