علی بتولین آلوبدی باشینی غم دیزینه

زبانحال حضرت زهرا(س)

 

علی بتولین آلوبدی باشینی غم دیزینه
قرا گیجه اولا چیره یاخوندی گوندوزونه
آچوب پیمبره بنذرگوزون باخوب یوزونه
تکلمه دل آچوب نوردیده یاسین
دیدی عم اوغلی آغلاما دردوغمون منه گلسین
**********
مکررا دیموسن بی وفادی بودنیا
اگراولیدی وفاسی هانی بابان طاها
بیله خیال ایله دنیایه گلمیوب زهرا
دیله گتورمه دروآستانه صحبتینی
بنفشه عارضینه تازیانه صحبتینی
**********
اولان وجودی زمین وزمانه پیرایه
بابام دیوبدی که ذات حقه اودورسایه
قوجاقلیوب دیزیوی باخمابیله زهرایه
اوگونکه یاندی قاپوم منده یانموشام سنده
اوگوندن اولدوم حضورینده منده شرمنده
**********
گیدن زماندا جهاده سن ای امیررجال
گلوب دالیجاسالاردیم یولاایدردیم خوشحال
جهادیدن قیدنده ایدردیم استقبال
سنی یارالی گورنده عم اوغلی آغلاردیم
ئوزومده جان ودیلیله یاراوی باغلاردیم
**********
بوباره ده اگر اولسا قصوربغیشله منی
بیرایله حاله سالوبدی منی بوقوم دنی
دورانمورام ایاقا من گورن زمانداسنی
**********
بوخانواده غریب اولدی شهربطحاده
هانی پیمبره خاطربیزی سالان یاده
هانی سنون کیمی مظلوم اولان بودنیاده
فدااولوم سنه جلب ایلرم رضایتوی
ایکی جهانه سنون ویرمرم ولایتوی
**********
بابامدی نکته توحیدچرخ اوناپرگار
وفات ایدنده ویروب وعده ایلیوب تکرار
دونن گیجه یوخودا ایلدیم اونی دیدار
بیوردی وعده یتوب باشه گلمه چوخ داده
صاباح منیم قوناقیمسان بهشت والاده
**********
شعراز : هاشمی
ندای آزادی

/ 0 نظر / 21 بازدید