بولمورم زهرا نه طرزیله بقیعه حمل اولوب

کیفیت دفن حضرن زهرا(س)

 

بولمورم زهرا نه طرزیله بقیعه حمل اولوب
بوقدروار دفن اولوندی مصطفایه یادگار
واقعا یوخدور علی تک بیرنفرمظلوم اولان
چوخ اسفلی بیرحیاتی طّی ایدوب اول شهسوار
دفن ایدوب زهررانی امّا آیریلانمور قبریدن
رشته الفت کسیلمور گوزیاشی ایلورنثار
صلب ایدوب دلدن بتولین فرقتی آرامینی
جام صبرین ایلیوب لبریز هجران نگار
دوندروب یوزمدفن پیغمبره عرض ایلدی
السّلام ای شاه یثرب ای رسول تاجدار
گورنجه مظلوم ایدوب سندنصورا امّت منی
حقّیمی غصب ایلدی ظلمیله قوم نابکار
بس دگول اقدام ایدوب یاندیرماقا درگاهیمی
ئوزقیزون زهرانی دشمنایلدی درده دچار
محسنی ئولدی فشارغمدن اولدی غصّه مرگ
ئولمدی ئولدوردولر زهرانی قوم کین شعار
قبریدن آیریلدی بیردنیا غم واندوهیله
دودمان عصمته اولدی اوسرور رهسپار
روحینی قویدی بقیع ایچره قییتدی منزله
دوتماقا ماتم بتوله حجت پروردگار
بوش گوروب زهرایرین گلدی دوباره شیونه
چکدی دلدن آه گوزدن توکدی درّشاهوار
گرچه بومحنت علینی ایلمیشدی دل ملول
داغ زهراقلبینه چکموشدی داغ بیشمار
مجتبانین حالتی حالین پریشان ایلدی
توکدی گوزدن عارضه اشگین چودرّ آبدار
کربلا مظلومینون گوردی گوزونده اشگ غم
حالی چوخ پوزقوندی وارحالینده حال احتضار
زلفی تک بیرگوشه ده آشفته گوردی زینبی
چوخ پریشاندور اونون قلبینده قالمور اقتدار
آغلوری کلثوم سیل اشگینون طوفانی وار
گوزلری ابربهاری ایلیوبدور شرمسار
**********
شعر از : مرحوم حاج حیدرخوندل
ارمغان تائب7
ص 82 تا 86

/ 0 نظر / 13 بازدید