یانّام دیَرم حیدره حیف اولسون عم اوغلی

زبانحال حضرت زهرا(س) به حضرت علی(ع)

 

یانّام دیَرم حیدره حیف اولسون عم اوغلی
فتّاح دَرِ خیبَره حیف اولسون عم اوغلی
**********
من  قبره  آپارّام  اورَگیمده  بُو یارانی
گِیتسم  باباما  شرح  ائدَرم  دردِ نهانی
یانذی   قاپیمیز الّلریوی باغلادی ثانی
مشگل لرآچان اَللّره حیف اولسون عم اوغلی
**********
زاهراسنه خاطربِله گُل مثلی سُولوبدور
حقّون که گِئدوب قلبیمه غم غصّه دولوبدور
اوزگه بابامون منبَرینه صاحب اولوبدور
طاهااوتُران منبَره حیف اولسون عم اوغلی
**********
وَصلین گُلی  باد  ستم  و  ظلمیله سُولدی
هرغم واریدی گَلدی یانان قلبیمه  دولدی
قسمت بُوئیمش خوش گونوموزدوقّوزایل اولدی
یثریبده گئچن گونلره حیف اولسون عم اوغلی
**********
بی جاسنی زهرابِله تک قویمادی گِئتدی
آگهسَن ئوزون رَخت وَفاسویمادی گئتدی
سندن بیلوسن فاطمه هئچ دویمادی گئتدی
دیدارقالورمحشره حیف اولسون عم اوغلی
**********
قویما اوجالا قیزلاریمون شیوَن و شِینی
چُوخ  راّفتیله  رام  اِئله  دیندیر حَسَنینی
قبر اوسته گَتوربعضی گِجه اوغلوم حُسینی
قرآن اوخوسون مادره حیف اولسون عم اوغلی
**********
قبراوسته حسینیم گَتورَر روحیمی  شوره
جبران اِئدَرَم بیرگونی اول مظهَرِ نورَه
دیدارینه  منده  گِئدَرم  کُنج  تنوره
اوردا دیرم یکسره حیف اولسون عم اوغلی
**********
ایللر دولانوب  بُو جَریان  گلدی   قباقه
خولی  او باشی کُول  اوستُونده  اُجاقَه
زهراگُوتوروب سیلدی کولون آلدی قوجاقه
باخدی دیدی بُوگوزلره حیف اولسون عم اوغلی
**********
شعر از : صادقی تبریزی

/ 0 نظر / 14 بازدید