غمون علینی ایلدی غم آشناسی فاطمه

زبانحال مولا علی(ع) بعد از شهادت حضرت زهرا(س)

 

غمون علینی ایلدی غم آشناسی فاطمه
گتوردی تنگه سینمی سینه ن یاراسی فاطمه
**********
علینون حقّی وار اگر هی آغلیوب ملول اولا
فناجهاندا قورخورام بو زندگیده طول اولا
قالینجا کاش تیز ئولم مرام دل حصول اولا
کی یوخدی سنسیز عالمین منه وفاسی فاطمه
**********
گونوزلرایوده اگلشوب یانان قاپونی باغلارام
یتیم اوشاقلاریم باخار دیزلریمی قوجاقلاررام
هامی ایوه گیدن زمان گلوب بقیعده آغلارام
بقیعده سنله دفن اولوب ایویم صفاسی فاطمه
**********
بجادی روزوشب منیم سرشگیم آخسا دامنه
زمانه ایلدی سنی نشانه تیردشمنه
نه اولدی دردیوه دوا نه قالدی محسنون منه
الیم بلیمده قالدی ای الیم عصاصی فاطمه
**********
منی قوجاتدی ئولماقین اورکده تاب قالمادی
تعجبم نیه عجب بوجانی مندن آلمادی
سینن  قانی کسیلمدی یارالارون ساغالمادی
شماره گلمدی سنون باشون بلاسی فاطمه
**********
بوبس دگل که اهل کین اهانت  ایتدیلر سنه
بوبس دگل توکولدولر در ولی ذولمنه
گچنده ایندی کوچه دن سنی ووران گولر منه
دعا ایله ئولوم داخی دیلون فداسی فاطمه
**********
شعراز: کلامی زنجانی
عاشقان شهادت ص  75 تا 77

/ 0 نظر / 19 بازدید