زبانحال حضرت زینب(س) در شام غریبان

 

آتام اوْغلی ای حسینیم
بوگئجه فغانه گلدیم
بوبالالارون الینده
بومکاندا جانه گلدیم
**********
غم وهربلا یتیشدی
من ناتوانه قارداش
بوقد‌ر وروبلا قمچی
گلوب ایندی جانه قارداش
یوزه قانلی گؤزیاشیمی
ائدر‌م روانه قارداش
گئجه وقتی بوقارانلیق
غمه چوْخ نشانه گلدیم
**********
نجه پُرخطردی قارداش
بوزمین وْکربلاسی
یتیشوب تمامه ایندی
بوچؤلون غمی بلاسی
اوْزون ئؤلدورور بوساعت
علی اکبرین آناسی
بویانان چادردا جانه
من ناتوانه گلدیم
**********
آتام اوْغلی ای حسینیم
نه امید نه چاره واردی
کی بو دشت پُرخطرده
اورگیمده یاره واردی
غمه غرق اولوب بوزینب
بوباشمدا قاره واردی
همیشه آدون دلیمده
بولوسن فغانه گلدیم
**********
ئؤلوب اکبریله قاسم
پوزولوبدی غملی حالیم
هانی قارداشیم ابوالفضل
داغیلوب منیم جلالیم
باشیمون بلاسی واردی
گئدوب الد‌ن اختیاریم
بالا قیزلارون الینده
بولوسن امانه گلدیم
**********
ورولاندا اوْد خیامه
دوتوب اوْد یانوب آلیشدی
حَرمون بوقیزلاروندا
هره بیر دیاره قاشدی
بوامام زین‌العابد
اوْد ایچینده چوْخ چالیشدی
بوباجیندا قتلگاهه
بئله یانه یانه گلدیم
**********
بوبلا چؤلنده قارداش
بئله بیر قیامت اوْلدی
هم اساس خانه، معجر
بولوسن کی غارت اوْلدی
بیزه خارجی دییللّر
نه قدر شمادت اوْلدی
آنادان دوْغولمییدیم
بئله بد زمانه گلدیم
**********
شاعر: موجودی