زبانحال نوعروس درغم حضرت قاسم(ع)

 

زلف سیهون یوزده پریشاندورعم اوْغلی
شانه کیمی گؤگلوم اوْدی شان شاندی عم اوْغلی
**********
قربانگه عئشقه سن اوْلان وقتده‌ن عازم
همدم غم اوْلوبدور منه اندوه ملازم
من بسته‌ی عشقم منه زنجیر نه لازم
زنجیریم اوْ گیسوی پریشاندور عم اوْغلی
**********
گؤردوم باشوی نیز‌ده تؤکدوم یوزه قانیاش
گلدوم باشون آردوجه شامه کیمی بیرباش
قان آغلامیوم نیلیوم ایندی، من کلباش
دردوغم الینده جگریم قاندورعم اوْغلی
**********
شام اهلینه، باخ گؤرنه تماشایه دوروبلار
هر گوشه ده بیر دایره ی عیش قوروبلار
عریان باشوی نیز‌یه ظلمیله وروبلار
یا کیم شجر موسی عمراندی عم اوْغلی
**********
گئیموش هامی بوعور‌ت اوشاق خلعت فاخر
باخدوقجاعم اوْغلی منه ائیلله تفاخر
هر چند اسیرم گینه شهزادیم آخر
شهزاد‌یه آیا بوغم،آساندور عم اوْغلی
**********
بیربیره دیللر بوگلین تازه گلین دور
صد حیف کی مغلول غل شمرلعین‌دور
هردردید‌ن آرتوخ منه بودرد چتین دور
توْی حجله‌گَهیم ناقه‌ی عریاندی عم اوْغلی
**********
بولدون منی بودهریده غم چکماقا لایق
منده ائلدیم سند‌ن اؤتور قطع علایق
چون رسمدور عالمده اوْلار محنته شایق
هر کیم کی اسیرغم هجراندور عم اوْغلی
**********
ای حضرت یوسفد‌ن اوْلان حسنده افزون
بوخلق زلیخا کیمی اوْلموش سنه مفتون
باش وئرسه اگر باشون آلان کس دگی مغبون
جان نقدی بوبازاریده ارزاندی عم اوْغلی
**********
بومملکتین چوْخدور عجب مِلک بلادی
چین سر زولفون کیمی اعظمدی سوادی
ظلمتکده ی غمدی نچون شامدورآدی
درد اهلینه یا شام غریباندور عم اوْغلی
**********
آخشاما کیمی یازسان اگر قصه‌ی شامی
اتمامه یتیشمز بوسؤزون یوْخدی تمامی
سؤز اؤزگه‌سینوندوردگی «صرّاف» کلامی
زلف سیهون یوزده پریشاندور عم اوْغلی
**********
شعراز: حاج رضا صرّاف تبریزی