باسلام.بعضی از اشعار هستن که اصطلاحا بهشون (اوخشاما )میگن.اکثر این اوخشاما ها چندصد سال پیش بین خود مردم سروده شده وسینه به سینه وزبان به زبان گردش ایام نموده و به دست ما رسیده اندوشاید در هیچ کتابی به چشم نخورند.هرچند شاید ساده و روان باشند ولی خیلی دلنشین هستند.به هر حال تقدیم می کنم به انهایی که زحمت سرودن این اشعار را کشیده اند.روحشان شاد

زبانحال حضرت ام البنبن(س)

 

زمانه بئله دؤندی
گؤزیاشوم سیله دؤندی
گؤزومی یوْلا تیکدیم
ساعتیم ایله دؤندی
**********
داغلاردومان اوْلدی گل
حالیم یامان اوْلدی گل
گئجه گونوزآغلارام
عمروم تمام اوْلدی گل
**********
یارالیام یاتمارام
گونی گونه ساتمارام
قوتارمیان دردیوی
هئچ بیردرده قاتمارام
**********
قزیل گول حشم اولدی
تؤکلدی حشم اوْلدی
بئله گونلره قالدیم
آغلاماق پئشم اوْلدی
**********
بلبل شئیوه‌نه گلدی
سوْلان گلشنه گلدی
منی گؤر‌نلر دئیر
اوْغولسوزننه گلدی
**********
دولرقاتار گئد‌ر
گئجه‌نی یاتارگئد‌ر
وفالی اوْغول مگر
آنانی آتارگئد‌ر
**********
سو گلرلیلندیر‌ر
باغچانی گلندیر‌ر
دردلینی دیندیرمیون
درد اؤزی دیلندیر‌ر
**********
زینبیم گلر آغلار
بالاوی گؤر‌رآغلار
باجیوا نه دییوبسن
قوْلندان ئؤپرآغلار
**********
بالاوین یوزی گولمز
گؤزیاشی آخارسیلمز
آدینا یتیم دییللر
کوچیه چێخا بیلمز
**********
آخشام اوْلدی وقت اوْلدی
دۆشمنون خوْشبخت اوْلدی
آغلاما بالام آغلاما
بابان گلن وقت اوْلدی
**********
غنچه لرآی غنچه لر
یاشێل چالار غنچه لر
آغلاما گۆلۆم آغلاما
دۆشمنلریم ال چالار
**********
اوْد یانار کؤز دیر
اۆرگیمه سؤز دیر
اوْخشارۇن بالاما اوْخشار
اۇزاق گئتمه گؤز دیر
**********
اۆر‌ک باشێن غم آلدێ
اوْغلۇن سوْلدی سارالدێ
هی یوْلۇوی گؤزله دی
دردی اۆر‌کده قالدێ
**********
گۆل سارالوب سوْلۇبدی
قوْلۇن قلم اوْلۇبدی
ائشیتموشم دئیرلر
گؤزۆوه قان دوْلۇبدی
**********
گؤزۆم قالدێ یۇلۇندا
قان دۇردی ساق سوْلۇندا
بالا آنوْن ئؤلئیدی
یارا واردێ قوْلۇندا
**********
دیلیم آچێلماز غمد‌ن
هی ئؤپر‌م پرچمد‌ن
سنی یادا سالاندا
عطرون آللام نوه‌مد‌ن
**********
شأنیده چوْخ اۇجالدێم
آخرده قارا سالدێم
دؤرت اوْغلۇم اؤلدی گئتدی
سوْنسۇزلار کیمی قالدێم
**********
لاادری