زبانحال حضرت رباب درشهادت حضرت علی اصغر(ع)
 
منیم گل تک سوْلان اوْغلوم
علی لای‌لای بالام لای‌لای
جفادن اوْخلانان اوْغلوم
علی لای‌لای بالام لای‌لای
عطش سنده نمایاندور
عجب حالون پریشاندور
بوْغازون پیکرون قاندور
علی لای‌لای بالام لای‌لای
ستمله باغریقان اوْلدون
خَدَنگه سن نشان اوْلدون
آچوب گل تک خزان اوْلدون
علی لای‌لای بالام لای‌لای
یتوب چوْخ ظلم قاتلد‌ن
آتوب اوْخ چونکو غافلد‌ن
سنی سالدی اوْغول دیلد‌ن
علی لای‌لای بالام لای‌لای
سنی گتدیم بومیدانه
وئر‌م سو لعل عطشانه
باتوب جسمون قزل قانه
علی لای‌لای بالام لای‌لای
آنان آغلار فراقوندان
کنار اوْلدون قوجاغندان
اؤپنمز گول دوْداغندان
علی لای‌لای بالام لای‌لای
منیم قلبیم باشی یاندی
کؤمکلر جمله دوْغراندی
بوْغازون بیله اوْخلاندی
علی لای‌لای بالام لای‌لای
اوزاق دوشدون گلستاندان
بوْیاندی جیسمون آلقاندان
سو ایچدون نوک پیکاندان
علی لای‌لای بالام لای‌لای
شهید اوْلدون لبین عطشان
بوْغازیندان آخیر آلقان
سنی وئردیم قوزی قربان
علی لای‌لای بالام لای‌لای
باتوبدور قانه رخسارون
گوزلدور رنگ گلنارون
اوْغول بوْش قالدی گهوارون
علی لای‌لای بالام لای‌لای
-------
مضطر اردبیلی