روضه قتلگاه امام حسین(ع)

 

گؤردی قدسیان جان وئریر حسین، گیزلنیر نفس تازه قان گلیر
دسته دسته نیزه وران گئدیر، ایلییوب هجوم اوْخ آتان گلیر
بیر نفر دئمیر بو کمکسیزی بیر بئله جماعت نده‌ن وورور
نه گناهی وار بو اوْغولسوزون، اشقیای دوْرزمن وورور
قربتا الی‌الله خیالی وار، هر گلن وورور، هر گئدن وورور
العطش دییور شاه مشرقین، اوْخ ووران گئدیر، داش ووران گلیر
بیر سپهریدی قانلی پیکری، وار یارالاریله کواکبی
بیر یارالی قرخ مین نفر قوْشون، گؤر بو مطلبین وار تناسبی
وورماق اوسته وحشی عر‌بلرین، بیربیرینه واردور تعاقبی
وئرمیری امان قوْم کوفیان، حرمله گئد‌نده سنان گلیر
شام وکوفه‌نین قان تؤکنلری دوْروْبرده چون حلقه‌ئ نگین
بیر یارالینین دوْره‌سین آلوب، دیلده اقتلو، الده تیغ کین
بوهجومه وسعت وئریر مگر، قطعه قطعه بیر جسمئ نازنین
علتی بودور منتظر دوروب، شامیان گئدیر، کوفیان گلیر
جدّی خاتم‌الانبیا ائدیر، باشی اوسته قرآن تلاوتی
نه فلکده افلاکیان گؤرور، کربلاده برپا قیامتی
رسمیدورکی اوْغلی ئؤلنلره، هرگله‌ن وئریر باش سلامتی
وئرماقاتسلی پیمبره، خلدیان گئدیر، قدسیان گلیر
فاطمه آچیب باشینی گلیر، اوْغلونون سیله قانلی گؤز یاشین
قتلگهده اما دورانمیری، چون گؤرور کسیر شمر اوْغول باشین
خیمدنده زلفین یوزه سالیب، گؤرماقاگلیر باجی قارداشین
قتلگهده وار چوْخ گلیب گئدن، زلف آچان گئدیر، باش آچان گلیر
فاطیمه قیزی زینبین آلیب، دوْره‌سین بلا مثلئ دایره
وامحمدا دیلده گه قاچار، قارداشی حسین جان وئرن یره
گه گلیر خیام امامته، خیردا قیزلارا تسلیت ویره
گتماقی حزین، گلماقی غمین، باغریقان گدیر، خونفشان گلیر
خیمه‌لر‌دن علیا مکرّمه، قتلگاهه بیر باش اوْلور روان
باشدا اللری، یوزده زوفلری، روحی مضطرب، جسمی ناتوان
قاردشا حمایت ائدنمیری، امر ائدیر قییت شاه انس وْجان
سرز‌نان قوْیور خیمه‌گاهه یوز، ناتوان گدیر، سرز‌نان گلیر
مختلف خیالیله چوْخلاری،ایلیری تر‌دداوْمقتله
قبض روحه عزرائیل آختاریر، سالم عضوینی سالماغا اله
زینبی گلیر جانفشانلیغا، کسماقاباشین شمروْحرمله
عرصه‌ئ قیامتدی قتلگه، جانفشان گئدیر، جانستان گلیر
وار حسین عزاخانه‌سینده چوْخ، شوْکت وْجلال، عزّت وْشرف
ظلمدیر حسینی اؤز عمرینی، اؤزگه یرده هرکس ائده تلف
باطنن ملکلر نزول ائدر، کسب فیضه بوبزمه صف‌به صف
ظاهرن گؤرر بوردا اگلشن، روضه‌خوان گدیر، نوحه‌خوان گلیر
------------
مرحوم حسینی سعدی زمان