زبانحال حضرت رباب در شب تاسوعا

 

لای‌لای ننه قربان گؤزوه،سودامراوْغلوم
لای‌لای ملراوْغلوم
دؤز بوگئجه‌نی بلکه سوایچدون سَحراوْغلوم
لای‌لای ملراوْغلوم
تاب ائیله بیرآز گلمه بئله شیو‌ن وْزاره
دل خسته هزاره
اوچ گوندی عطشسن بولور‌م ائتمه اشاره
رحم ائت من زاره
دیرناقلاما پستانیمی چوْخ سالما فشاره
وارمنده نه چاره
یوْخدور گؤروسن سینه‌ده سودد‌ن اثراوْغلوم
لای‌لای ملراوْغلوم
بیرگون واریدی شُهره ایدوم نازونعمده
مابین حرمده
ایش دوشدی بوگون غوطه‌ور‌م غصّه وْغمده
دریای المده
سیندی قانادیم قوش کیمی چنگال ستمده
جان دست عدمده
کرکسلر ائدوب لانه‌می زیروْزبراوْغلوم
لای‌لای ملراوْغلوم
اوْد ووردی منیم خرمن اجلالیمه اشرار
بولشگرغدّار
باغلاندی سویوْللاری اوْلوب مسئله دشوار
قالدی هامی ناچار
قوم اوسته قوْیار سینه‌سینی خرداجا قیزلار
آه دل اوْلوب نار
بولمم نه زمان قورتولاجاق بوسفراوْغلوم
لای‌لای ملراوْغلوم
گلدی سؤزه منلن بوفلک خیره‌سرانه
هئی گتدی بهانه
آیدین گونومی شام ائلدی دست زمانه
قالدیم یانایانه
اینجیتمه منی صبرائله دردون گله جانه
چوْخ گلمه فغانه
تؤکمه سارالان صورتیوه اشگتراوْغلوم
لای‌لای ملراوْغلوم
سیندی گؤهرعزّتیمین قدروْعیاری
بخت ائتمدی یاری
عمرآیینه‌سینی دوتدی بلاگردوْغباری
جان غصّه دچاری
داغلب دلیمی سن ملیوب داغلاما باری
ای تشنه قناری
نیلرگؤروم آخربوقضا وْقد‌راوْغلوم
لای‌لای ملراوْغلوم
رنگون سارالوبدورنه توانا نه قُواوار
نه راه رجاوار
فعلا بوویامان درده نه بیر عُقده‌گشاوار
نه منده دوا وار
نی مثلی سیزیلتندا علی شوروْنواوار
آهنگ عزاوار
یوْرما اؤزوی آغلاما ای خونجگراوْغلوم
لای‌لای ملراوْغلوم
**********
شاعر: سید تقی سیفی اردبیلی