زبانحال حضرت رباب

 

گؤزلرین قربانی اصغر، یات آنان قربان سنه
ساکت اوْل گهواره ده، لایلای دییوم الان سنه
---------
آغلیوب چالما الین، قوْنداقه اینجیتمه اؤزون
گزدیرورسن هر یانا، نه علّته بولمم گؤزون
سن منه هر دم اشاره، ائیلیورسن سو سؤزون
نیلیوم آخر بالا، من سوتاپوم هاردان سنه
---------
بیر ایچیم سوسندن اؤتری، آلدیم هر یاندان خبر
تاپمادیم بیر جرعه آخر، نیلیوم من خون جگر
یان یانا یاتمیش اوشاقلار، هر سودان اؤتری مگر
دیل دوْداقندان اؤپر، اوْلموش باجون گریان سنه
---------
کوفه اهلی ظلم الیلن، پوْزدولار رسمیّتی
چوْخ آغیردور کربلاده، بیر ایچیم سوقیمتی
بیرنفریوْخ تا گلوب، آللاها قوْیسون منّتی
بیر ایچیم سومحض آلله، ایلیه احسان سنه
---------
ناگرانم من سنین پژمرده حالیندان بالا
گول کیمی سوْلموش سارالمیش گل جمالیندان بالا
گل چخارت سوفکرینی آخرخیالندان بالا
باغلیوب سویوْللارین، بوفرقه‌ی عدوان سنه
---------
من بالا اوچ گوندی گؤرر‌م، حالیوی بر هم سنین
نه دوْداغندا دیلونده، گؤرمور‌م بیرنم سنین
اؤلماق آثاری یوزونده، گؤرسه‌نیرهردم سنین
طایرروحون قفسده، ائیلیوب افغان سنه
---------
جان وئر‌ن قوشلارکیمی، قوْنداغه چالما شهپرین
قوْرخورام گهوارییه دَیسون قریلسین پرلرین
هی باخیرسان بوقوری پستانه دوْیماز گؤزلرین
عالم معناده آغلار، بوقوری پستان سنه
---------
گول کیمی سوْلموش سنین رخسارخوش رنگین بالا
قوْرخورام سوْلسون تؤکولسون، توْپراغا بوگون بالا
آغلیاندا من سنین، اوْللام هماهنگین بالا
سهل دیر من، آغلیور بوکلبه‌ی احسان سنه
---------
ابرغم گؤررم اوْتورموش صور‌ت مه پاره ده
نه قالوبدور سنده طاقت، نه من بیچاره ده
بیر سارالمیش گول کیمی سوْلدون بالا گهواره ده
باش آچوب دوْرونداآغلار، دسته‌ی نسوان سنه
---------
نی کیمی قالخار سنین، هربند بندیند‌ن نوا
یوْخ الیمده چاره آخر، نیلیوم من بینوا
باعثین یانسون سوسوزدان، سن سوسوز یاندون بالا
ائتمدی آخر ترحّم، قوْم بی ایمان سنه
---------
هر قد‌ر ائتدیم تلاش، حلّ اوْلمادی بومشگلون
تاپمادیم بیرجرعه سو اوْدلاندی آغزیندا دیلون
قبر ائوینه من آپارّام، قلبیده بونسگلین
توْپراغیم قان آغلیار، روحوم دییر قربان سنه
---------
ترکی اشعاری قوْیوب مرحوم مضطر برقرار
شیعه‌لر ایچره ائدوب مین‌باب احسان یادگار
چوْخ شیرین اشعاری وار، اشعاری آلمیش اختیار
ساغلیغیندا بوسؤزی مضطر ائدوب اعلان سنه
---------
لاادری