زبانحال حضرت رباب در شهادت حضرت علی اصغر(ع)

 

عمروم حیاتیم علی
شوروْنشاطیم علی
لای‌لای سینمین گولی
ائللریمه سؤیگولی
**********
طرّه‌سی تل تل ایپک
دؤشلوقی قانلی چیچک
گئتدون سوا گلمدون
من اوْلدوم قاره لچک
حسنون یتیشمزسانا
بنز‌ربوْیون جیرانا
هجرون آلوب جانیمی
قالمشام یانا یانا
فلک وفایوْخلاماز
غملی نواساخلاماز
اوْغلی ئؤلن آنانین
آغلارگؤزی یوخلاماز
بوْش بشیگون بز‌ر‌م
اوستونه گول دوز‌ره‌م
چؤللری سند‌ن ساری
ملرملرگز‌ره‌م
عشقوون دلبندیم
درده پناهَندیم
قول باغلی ئؤلماقندان
ئؤلنجه شرمندیم
اقبالیمون اولدوزی
عمرومون دادی دوزی
کیم گؤروبدی اوْخلانا
سن کیمی املیک قوزی
اورگیمون پاره‌سی
غملریمون چاره‌سی
باغلانمادی اصغریم
بوْغازوون یاره‌سی
من گول اکیب درمدیم
اوْغول دادین بولمدیم
های دوشدی اوْخلانمیسان
اوْخ یاره‌وی گؤرمدیم
باغلی قالوب اللرون
پارچالانوب حنجرون
گولمدی بیریوْل منه
اوْخا گولن لبلرون
غملریمی سانارام
زفلریمی یوْنارام
گهواره‌وی ترپدوب
لای‌لای چالوب یانارام
آهوکیمی ملر‌م
قان یاش گؤزه الر‌م
سنی سالوب یادیمه
قوْنداق آچوب بلر‌م
اولدوزگؤیه دوزولر
خمار گؤزلرسوزولر
آهوملهرسس گلر
منیم قلبیم اوزولر
عشقون آچوب منظره
آدون دوشوب دللره
قلبی یارالی آنان
قربان خمارگؤزلره
آلنندا قاره تلون
گؤرمدیم شیرین دیلون
قالدی سند‌ن یادگار
سینمده دیرناق یئرون
گوندوزگئجه آغلارام
اوره‌ک باشون داغلارام
گلسوْن منیم سینمه
اوْخ یاره‌وی باغلارام
سینوب منیم شهپریم
قان اوْلوب اشک تریم
سوایچمیشم سودگلوب
اَلوْو وئروردؤشلریم
اینجیدوب عالم منی
درده سالوب غم منی
دؤشومده سود آغریدار
گل سینمه ام منی
باغچادا گول درمیشم
دلبره گؤند‌رمیشم
بیراوْلان آللاهیمه
سنی قربان وئرمیشم
فلک دانوب دوزومی
باتیروب اولدوزومی
تاری قبول ائلسون
منیم املیک قوزومی
ظالم گؤزی اویمادی
آنان سند‌ن دوْیمادی
ایاق دوتوب گزماقا
فلک سنی قوْیمادی
آنان زولفون هؤرمئیوب
سنسیزآغ گون گؤرمئیوب
هئچ قانادی باغلی قوش
سن کیمی جان وئرمئیوب
سورمدون دورانیوی
آلدی عطش جانیوی
اوْخ وران صیّادید‌ن
تاری آلارقانیوی
**********
لاادری