زبانحال حضرت رباب در شهادت حضرت علی اصغر(ع)

 

دوْلان قانیله قوْنداقی
علی لای‌لای بالام لای‌لای
قیزاردان قانی توْپراقی
علی لای‌لای بالام لای‌لای
گولوستانین گولی سوْلسون
پوْزولسون پایمال اوْلسون
بالا سن‌سیز روباب اؤلسون
علی لای‌لای بالام لای‌لای
الیمده‌ن کیم سنی آلدی
بئله توْپراقلارا سالدی
آنان یاخشی ملر قالدی
علی لای‌لای بالام لای‌لای
ایشیقلی اولدوزوم باتدون
ندن توْپراقیده یاتدون
نه تئز چیخدون، نه تئز باتدون
علی لای‌لای بالام لای‌لای
آنان بوحالت زارون
گؤروب اوْلدی گرفتارون
دوگل بوْش قالدی گهوارون
علی لای‌لای بالام لای‌لای
سنی بی‌حال ائدن اوْخدی
یانان بو حالیوه چوْخدی
ولی لای‌لای دیین یوْخدی
علی لای‌لای بالام لای‌لای
گویول دردینله سرخوْشدور
قوجاقیمده یئرون بوْشدور
اؤزوم لای‌لای دییم‌ خوْشدور
علی لای‌لای بالام لای‌لای
مگر دوشمن امان وئردی
سنه رحمین نیشان وئردی
گؤروب سود یوْخدی قان وئردی
علی لای‌لای بالام لای‌لای
شل اوْلسون قاتلون آخر
خزان ائتدی گولون آخر
نوْلوب شیرین دیلون آخر
علی لای‌لای بالام لای‌لای
اوْیان دردوْبلان آللام
دورنجا سن اوْیاق قاللام
کئشیکین من اؤزوم اوْللام
علی لای‌لای بالام لای‌لای
سودیلن دوْلدی پئستانیم
دور ای شمع شبستانیم
بهارباغ وْ بستانیم
علی لای‌لای بالام لای‌لای
بوصرّاف سیه‌نامه
یئتیردی شعرین اتمامه
گینه باشدان یازار خامه
علی لای‌لای بالام لای‌لای
*********
شاعر : مرحوم صرّاف