ماجرای تیر سه شعبه -گریز به تیرخوردن حضرت علی اصغر(ع)

 

خلق اوْلان گوندن بیله فانی جهاندا اوچ پراوْخ
آغلادوب چُوخ گؤزلری قان هرزماندا اوچ پراوْخ
بدقدم صیّاد ایاق قوْیسا گلستانه اگر
بلبلون قلبون اید‌رقان آشیاندا اوچ پراوْخ
چوْخ اور‌کلر یاندیروب چوْخ ائولری ویران ایدوب
یاری یاریندان آییرموش چوْخ مکاندا اوچ پراوْخ
یا وورار قلبه اوْغول داغی ویا قارداش داغی
یا اوشاقلاری یتیم ائیلرجهاندا اوچ پراوْخ
کوه وْصحرانی گز‌رآهو،ولی هی رم ییر
چون گؤروب اوْوچی کمین ائتمیش ووراندا اوچ پراوْخ
هراوْخون مقصودی قاندور،آیری بیرمنظوری یوْخ
ظاهراً خشنود اوْلار قانه باتاندا اوچ پراوْخ
هرکماندار ایستسه یخسون حریفین رزمیده
سعی ائد‌رفی الفوری یئر وئرسون کماندا اوچ پراوْخ
قورتاران وقته کماندان چوْخ شتابیلن گئد‌ر
رام اوْلار،آرامینی صیدین آلاندا اوچ پراوْخ
دگدیقی یئرد‌ن اوْقدری قان تؤکولمز توْپراقا
قانی امّا دؤند‌ر‌ر سیله چخاندا اوچ پر اوْخ
مال و دنیا عشقینه چکمز کمان مردان حق
حقّی ناحقّ ائیلمز،الده دوتاندا اوچ پراوْخ
اوْخ ووران مرد اوْلسا اوْخ وورماز کمانین سیندیرار
گؤرمئیوب آیامگربیل سیندیراندا اوچ پراوْخ
اوْلسا وجدانی بوایشد‌ن ال چکرتواب اوْلار
نادم اوْلسا ناظر اوْلماز، ائویخاندا اوچ پراوْخ
دل گؤزیله باخسا هربیراوْخ ووران اؤزصیدینه
درک ائدرقان آغلوری قانه باتاندا اوچ پراوْخ
قاچماسا آهوکمندیله دوتارصیادیلر
رم یئسه قاچسا وورار امّا قاچاندا اوچ پراوْخ
سودامرآهو گؤر‌نده سوکنارینده سوسوز
رحم ائد‌ر وورماز اوْنا دریا یانندا اوچ پراوْخ
ای قلم گل یوْل سالاق بیرکربلاصحراسینه
گؤرنلرائتموش اوْ پوْزقون گلستاندا اوچ پراوْخ
تشنه شاهین اللری اوسته سوسوزقربانه باخ
نیلدی گل گؤر بوغازون اوچ یاراندا اوچ پراوْخ
فاطمه سسلندی معناده حسین یوم گؤزلرون
اصغره میدانیده لایلای چالاندا اوچ پراوْخ
دیسگینوب اوّ‌ل گؤزآچدی بیرگلومسوندی اوْخا
بیردولومسوندی اَسوب لنگرسالاندا اوچ پراوْخ
اللری باغلیدی قوْنداق ایچره شهپر وورمادی
آغلادوب سلطان مظلومانی اوْندا اوچ پراوْخ
باغرینا باسدی ربابین اوْخلی قربانین حسین
دل دئدی آرام اوْلا بلکه چخاندا اوچ پراوْخ
سسلدی باب الحوائج اوْغلوم آرام اوْل بیرآز
گول گولوم قوْی شرم ائده بلکه باخاندا اوچ پراوْخ
**********
شاعرکربلایی کریم نصیری