روضه امام حسین(ع)

 

حسینه یرلرآغلار گؤیلر آغلار
بتول وْمرتضی، پیغمبرآغلار
حسینین نؤحه‌سین دلریش یازاندا
مسلمان سهلدیر کی کافر آغلار
کوْراوْلموش گؤزلرین، قان دوتدی شمرین
کی گؤرسون اؤز الینده خنجر آغلار
حسینین کؤینگی زهرا الینده
چکر قێها قیامت، محشر آغلار
آتاندا حرمله ، اوْخ کربلاده
گؤریدین دشمن آغلار، لشگر آغلار
قوجاغندا، گؤرئیدین ام لیلا
آلوب نعش علیّ‌اکبرآغلار
رباب، نسگل دؤشونده سود گؤرنده
علیّ‌اصغری یاد ائیلر آغلار
باشندا کاکل اکبر هواسی
یل آغلار، سنبل آغلار، عنبر آغلار
یازاندا آل طاها نؤحه‌سین من
قلم گؤردوم سزیلدار ، دفتر آغلار
علی، شق وْالقمر، محراب تیلیت قان
قولاق وئر، مسجد اوْخشار منبر آغلار
علیدن «شهریار»، سن بیر اشاره
قوجاقلار قبری ، مالک اشترآغلار
-------
شعرازمرحوم شهریار