دلداری دادن حضرت زینب به امام حسین هنگام آمدن امان نامه

 

عباسیمه گلیبدی امان نامه غم یئمه
گئدسه گئدیبدی روحیوه یوزوئرمه‌سین محن
بوآزسپاهیده ائله آزاد قالماسین
سرلشگرین گر اوْلماسا سربازی نیلسین
اوْلمارام راضی سنین ماه جمالین پوْزولا
حسین اذن وئر زینبیوه قارداش علمدارین اوْلا
یوْخ درس؟ اؤزن قارداشن ترک ائدیسن ائد
دشمنده‌ن امان نامه گلیبدیر گئدیسن گئد
عباس طوفان بلا بوگجه‌نین وار سحرینده
ریحانه‌ی زهرا سوْلاجاقدیر اثرینده
اؤلماق ولی آساندور حسینین نظرینده
گؤیلوم سحرین فیضینه پر شوْق وْهو‌سدی
گدسین هامی تک سود امر اوْغلوم منه بسدی
گتسوْز اوْلوسوز کوفده محبوب خلایق
عباسه بو تکلیفی ائدیب زادی زهرا
گئتسن سنه مدرکدی امان نامه اعدا
قارداشلارینی باشنا یغ ایلمه دعوا
هر حالدا منی اؤلدوره‌جاق لشگرکافر
باری بوحسین ئؤلسده، سن اؤلمه براد‌ر
گئتسوْزاوْلوسوز کوفه‌ده محبوب خلایق
خلق ایچره ائدرسیز بولورم جلب علایق
بیر قصربرازنده وئر‌للر سیزه لایق
قصدیم سحر البتّده اوْلار فاش وْ مسلّم
مشگیمده سو اوْلسا پر آچوب خیمییه گلّم
سو اوْلماسا گر سیزدن اوزاقدا خجل ئؤلّم
هر یرده سرافکنده‌دی هرکیم الی بوْشدی
شرمنده اوْلان نوْکر اوزاقدا یاتا خوْشدی
القصّه اوْ شیره هیجان گتّدی بو سؤزلر
قلبینده اوْلان عشقه دلالتدی بو سؤزلر
شیرین‌دل اوشاقلارا دیل اؤرگتّدی بو سؤزلر
سسلندیله گتمه باشیوا بیردوْلاناق بیز
قوْی پرچمیوین سایه‌سینه دالدالاناق بیز
زینب گؤروب عبّاسیده وار یاخشی عقیده
حاضردی اؤله گتمییه درباریزیده
ایلیبدی دعا امّ بنینه اوْ حمیده
سسلندی آنا، به‌به ئوزن آغ، ائوین آباد
شاد ائیلدی اوْغلون بیزی، اوْلسون اورگین شاد
یوز دوتدی ابوالفضله طر‌ف زینب اوْساعت
به‌به دئدی ای بحرکرم، کان شجاعت
قارداشلیقا الحق واریمیش سنده لیاقت
باش اگمدین عالمده قوی دشمنه قارداش
خوْش حالیوه اقبالیوه، احسن سنه قارداش
احسن ادب وْغیرت وْگفتاریوا احسن
احسن شرف وْعزّ‌ت وْرفتاریوا احسن
گفتاریوا، رفتاریوا کرداریوا احسن
جانیم بواوجا قامت، اوزون اللره قربان
حق شیری آتام حق دانشان دیللره قربان
غیر‌تده بابام حیدره خوْش مظهریمیش‌سن
اثنای خطر حامی پیغمبریمیش‌سن
سن رخت پیمبرده یاتان حیدریمیش‌سن
سالدون خطره جانوی پیغمبره خاطر
زهرایه کؤمک دوردون آتام حیدره خاطر
احضار ائلدی گؤردوم آتام بیر گون عقیلی
یاخشی تانیسان سن دئدی انساب اصیلی
واردور سنه آززحمتیمین اجرجزیلی
عقد ائت منه بیر دخترپاکیزه، رشیده
سیماسی عبوس، آنّی آلین، قدّی کشیده
من اؤز اؤزومه فکر ائلدیم بوسؤزی اوْندا
مردانه صفات عوْرتی نیلیر بابام آیا
الان منه روْشندی نه فکر ائتمیش اوْ موْلا
آلمیش بو خیالیله آتام شیرزن عوْر‌ت
سن تک بیر اوْغول دوْغسون اوْ گنجینه‌ی عصمت
ایستیر سنی بیزدن آییرا آل امیّه
مکتوب امان یازمش اوْ فرزندسمیّه
الان ائشیدیب گئتماقوی نازلی رقیّه
لای‌لای دئمدی اصغره دوردی باشین آچدی
فکر ائتدی گئدیبسن بیرآز اوّ‌ل چؤله قاچدی
یاد ائیله شب قتل علی اؤز قسمینده‌ن
قربانون اؤلوم قارداش ال اؤزمه علمینده‌ن
حاضردی رقیّه اؤپه الان قدمینده‌ن
آغوشوه آل گل یوزی گولسون، دیله گلسین
دیندیر اوْ شیرین دیل قیزی، قلبی اله گلسین
--------
لاادری