آمدن امان نامه به حضرت ابوالفضل(ع)

 

شمرون سسی‌کی تللیده‌ن اخیامه گلیبدیر
بولدی هامی عبّاسه امان نامه گلیبدیر
هی باشلیر امان نامه سؤزین باشدان اوْ ظالم
شرمنده ائدیر، قارداشی قارداشدان اوْ ظالم
**************
سسلیر باجیم اوْغلانلارینین ارشدی هاردا
عباس قمر طلعت وْرعنا قدی هاردا
سرویکی اوْنی امّ بنین بسلدی هاردا
ال چکسین حسیندن یئتیره‌م جاه وْمقامه
سرلشگر اوْلوب امر ائلسین لشگرشامه
**************
شمرون سسی عبّاسه یتوب غملی چاغندا
رنگی سارالوب تیتره‌دی یپراق سایاغندا
باشون آشاغا سالدی حسینون قاباغندا
قلبی سیخیلوب آتش غیر‌تد‌ن آلیشدی
خجلت تری آلنیندا نه دیندی، نه دانیشدی
**************
ماهی دوتولان حالدا گؤروب شمس امامت
فرمایش ائدیب کی خلف شاه ولایت
گؤر کیم چاغیریر چیخ قاباغا ائیله اجابت
ناچار اوْلوب اجرا ائلسین امرامامی
تلّه طر‌ف عزم ائتدی اوْ سردارگرامی
**************
اهریمنیلن گلدی ملاقاته سلیمان
تلّ اوسته مقابل دایانوب کفریلن ایمان
شمر آچدی سؤزی عرض ائلدی ای مه تابان
واردور آرامیزدا سیزیلن حق قرابت
گلدیم ایلییم محضریوه نچّه نصیحت
**************
یوْخ مثل وْمقابل سنه شجعان عر‌بده
ممتازسن البتده شجاعتده، ادبده
وار نسبتیمیز سنله قرابتده نسبده
من پیرکهنسال وْ جهان دید‌یم عباس
سالما بو ووجودین خطره موقع حسّاس
**************
دریاده حسین ایندی سینق کشتیه بنز‌ر
عاقل بئله موقعده خطرد‌ن حذ‌ر ائیلر
مند‌ن بو سؤزی ایله قبول اوْلما مکدّ‌ر
آخر بو حسینین سنه لایق ایشی یوْخدور
یتمیش نفره شاه اوْلاسان ارزشی یوْخدور
**************
یازدردیم امان ناموی من ابن زیاده
حاضردی وئره خلعت وْانعام زیاده
لذ‌ّتله گئچین بش گونی بودارفناده
آللام سنه بیر کرسی زرّین امار‌ت
سیم وْ زر وْْ قصروْخد‌م وْ میزوریاست
**************
عباسه تکان وئردی بو سؤز اوْلدی مؤثر
غیظیله گلیب نطقه اوْ سردارمدبّر
لال اوْل دیدی ای نابخرد پیرمزوّر
ابلیسه گلن لعنت عبیداللاها آزدی
زهرا بالاسی قالدی امانی منه یازدی
**************
آغزون اوْدیلان دوْلسون ایا کافرشدّاد
آخر بو نه سؤزدور دانیشیرسان ایوی برباد
دونیادن اؤتور قارداشیما اتمییوم امداد
جان بسلمیشم فاطمه نان وْنمکینده‌ن
حاشا چکم ال ایندی حسینین اتگینده‌ن
**************
مکریله گینه وورسوْز اگر نئیز‌یه قرآن
حاشا تاپا ایمانیمه ال سن کیمی شیطان
تئز گئت دالی باخسان اوْلاسان قانیوه غلطان
من عبد‌م علی اوْغلونا سن ابن زیاده
سن مست ری وْمن روش صدق وْوفاده
**************
به‌به اوْلا رحمت آناسی امّ بنینه
چون دوز صود امن حامی اوْلار دین مبینه
**************
لاادری