گفتگوی امام حسین با خواهرش در شهادت حضرت ابوالفضل(ع)

 

زینبیم گل علمداریم اؤلدی
با شهامت سپهداریم اؤلدی
منتظر قالماسین شیرخواریم
قهرمان وفاداریم اؤلدی
---------
هم ساغیندان گئچیب هم سوْلوندان
دؤنمئییبدیر ولی حق یوْلوندان
سینه‌سی اوسته پرچم اسیردی
قان سوزوردی یئره هر قوْلوندان
---------
قان بوغمده گرک قلبه دوْلسون
وار یری گول گولستاندا سوْلسون
خئیمه‌سینین یاتیردین ستونین
قارداشیم اؤلدی باشون ساغ اوْلسون
--------
یاندی قلبیم باجی اوْخ سؤزوند‌ن
ماجراسین ائشیتدیم اؤزوندن
گوئیا تلّه ساری باخیرمیش
اوْخ دگیب ناگهان ساغ گؤزوند‌ن
--------
اوْخ دگیبدیر اوْلوب مشگی پاره
مشگینه آغلئیور گؤزده یاره
غئیرته باخ اوْ حالتده گؤردوم
آختارور اصغره راه چاره
--------
گؤردوم آغلیر دئییر جان رقیّه
یوْللارا باخما حیران رقیّه
گئت ربابه دئنه‌ن باغلا قاره
اصغره یوْخدی درمان رقیّه
--------
پرچمین ساخلئیوب سینه اوسته
گوئیا گول دروب دسته دسته
گؤرجاقین ایسته‌دی قالخا یئرده‌ن
پیکری یاره‌لی خسته خسته
--------
یات دئدیم یات ادبلی وزیریم
یات شرافتلی غئیرتلی شیریم
نئیلیره‌م گونده باتسا باتوبدیر
باتدی علقمده ماه مُنیریم
---------