اوخشاما

 

زمانه بئله دؤندی
گؤزیاشوم سیله دؤندی
گؤزومی یوْلا تیکدیم
ساعتیم ایله دؤندی
**********
داغلاردومان اوْلدی گل
حالیم یامان اوْلدی گل
گئجه گونوزآغلارام
عمروم تمام اوْلدی گل
**********
یارالیام یاتمارام
گونی گونه ساتمارام
قوتارمیان دردیوی
هئچ بیردرده قاتمارام
**********
قزیل گول حشم اولدی
تؤکلدی حشم اوْلدی
بئله گونلره قالدیم
آغلاماق پئشم اوْلدی
**********
بلبل شئیوه‌نه گلدی
سوْلان گلشنه گلدی
منی گؤر‌نلر دئیر
اوْغولسوزننه گلدی
**********
دولرقاتار گئد‌ر
گئجه‌نی یاتارگئد‌ر
وفالی اوْغول مگر
آنانی آتارگئد‌ر
**********
سو گلرلیلندیر‌ر
باغچانی گلندیر‌ر
دردلینی دیندیرمیون
درد اؤزی دیلندیر‌ر
**********  
زینبیم گلر آغلار
بالاوی گؤر‌رآغلار
باجیوا نه دییوبسن
قوْلندان ئؤپرآغلار
**********
بالاوین یوزی گولمز
گؤزیاشی آخارسیلمز
آدینا یتیم دییللر
کوچیه چیخا بولمز
**********
آخشام اوْلدی وقت اوْلدی
دشمنون خوْشبخت اوْلدی
آغلاما بالام آغلاما
بابان گلن وقت اوْلدی
**********
غنچه لرآی غنچه لر
یاشیل چالار غنچه لر
آغلاما گولوم آغلاما
دشمنلریم ال چالار
**********
اوْدیانارکؤزدیر
اور‌گیمه سؤزدیر
اوْخشارون بالاما اوْخشار
اوزاق گئتمه گؤزدیر
**********
اور‌ک باشون غم آلدی
اوْغلون سوْلدی سارالدی
هی یوْلوی گؤزلدی
دردی اور‌کده قالدی
**********
گول سارالوب سوْلوبدی
قوْلون قلم اوْلوبدی
ائشیتموشم دییللر
گؤزوه قان دوْلوبدی
**********
گؤزوم قالدی یولندا
قان دوردی ساق سوْلندا
بالا آنوْن ئؤلئیدی
یارا واردی قوْلندا
**********
دلیم آچلماز غمده‌ن
هی ئؤپر‌م پرچمده‌ن
سنی یادا سالاندا
عطرون آللام نوه مده‌ن
**********
شأنیده چوْخ اوجالدیم
آخرده قارا سالدیم
دؤرت اوْغلوم ئؤلدی گئتدی
سوْنسوزلارکیمی قالدیم
**********
لاادری