زبانحال حضرت زینب در روز اربعین به حضرت ابوالفضل(ع)

 

ای گچن ایکی قوْلوندان، صاحب علم قارداش
شامیدن گلیب گتسین، یثربه حرم قارداش
ای آتام علی اوْغلی، ای وفالی قارداشیم
دور پوْزولدی پرگاریم، ای رشید علمداریم
بیز گلنده یثریبد‌ن بو بلالی صحرایه
پاسبانیدون یوْلدا، سن بنات زهرایه
ایندی یوْخ اوْلا اکبر، سرپرست لیلایه
قالمیوب منه محرم، بیر نفر خدم قارداش
ای آتام علی اوْغلی، ای مه بنی هاشم
قبله‌گاه آمالیم، ای وفالی قارداشیم
سن شهید اوْلان گوندن، قان اوْلوبدی گؤز یاشیم
دمبدم گلیب موجه، گؤزلریمده یم قارداش
تا بو غملی صحراده، تاپدی ال سنه لشگر
قارداشیم حسین اؤلدی، یاندی خیمه لر یکسر
قالمادی بنی هاشم، قیزلاریندا بیرمعجر‌
سؤیدی آل اطهاری، فرقه‌ ظلم قارداش
هاشمی‌لر اهل شامه، گؤر نه دستگیر اوْلدی
مه جبین بالا قیزلار، باش آچیق اسیر اوْلدی
پاسبان خاتونه، فرقه‌ی شریر اوْلدی
سرو قدّیمی ایتدی، بو قضّیه خم قارداش
بو سفرده اندوهیم، گرچه چوْخ مزید اوْلدی
قدّیمی بوکن امّا، مجلس یزید اوْلدی
بیر مقامه ایش چاتدی، دورماغیم شدید اوْلدی
زیرتارقلبیمده‌ن، اوْلدی ناله بیم قارداش
قلبیمی بو نسگل چوْخ، گتدی محنت و درده
جان خرابه ده وئردی، بیر بالام قوری یرده
حالینه باخیب تؤکدوم، گؤزیاشی رخ زرده
قالدی بی‌کفن دخت شاه محتشم قارداش
گنج عصمته مدفن، اوْلدی کنج ویرانه
آل حیدرین اشکین، دؤندریب بو غم قانه
اوْل گلیله ویرانه، دؤندی بیر گولستانه
رشک ائد‌ر اوْ گلزاره، گلشن ارم قارداش
--------
شاعر: شهاب