جلالت حضرت ابوالفضل(ع)

ای دردبی‌درمانلارا، درمان ابالفضل
باب‌الحوائج شأنیوه، قربان ابالفضل
ای شیعه‌نین هر یرده امّیدوْپناهی
سنگرنشین زوّارلارین پشت وْپناهی
مظلوملارین سندن سوْرا یوْخدور پناهی
اوْل منصب وْایمانیوه قربان ابالفضل
ای بت‌شکن شیرخدانین شیر بالاسی
باغلی قالیب قارداشیوون کربوْبلاسی
اوْل آلتی گوشه قبرینین اوْللوق فداسی
احسان ائله احسانیوه قربان ابالفضل
هرکس سنین ال آتسا دوتسا دامنیندن
هرگز قایتماز دست خالی محضریندن
ال چکمریخ بیـزده سنین پاک دامنیندن
گؤز تیکمیشیک احسـانیوه قربان ابالفضل
ای کربلا میدانینین رحمت هماسی
شأنون بؤیوک قبرون کیچیک وار ماجراسی
بسکی ووروبلار جسمیوه پیکان یاراسی
غیر‌تلی مظلوم جانیوه قربان ابالفضل
دیوانه‌ی عشق حسینوخ یا ابالفضل
پروانه‌ی شمع حسینوخ یا ابالفضل
محتاج درمان حسینوخ یا ابالفضل
اوْل شاه لب عطشانیوه قربان ابالفضل
قلبیم اوْلوب هجران غمینده شانه–شانه
شئشگوشه قبرین حسر‌تی اوْدووردی جانه
بوحسر‌تی قبره آپارّام یانه-یانه
باغلی قالان یوْللاریوا قربان ابالفضل
هرکس اوْلا عشق حسینین مبتلاسی
وصل حبیبه ال تاپار اوْلسا وفاسی
محشر گونی اجرین وئر‌ر مظلوم آقاسی
اوْل گلشن جانانیوه قربان ابالفضل
آغلارگؤزیله ایسته روق صاحب زمانی
گلسین اؤزی وئرسین برات کربلانی
قبرین اؤپوب اوْلسون وحیدی نوحه‌خوانی
باب‌الحوائج جانیوه قربان ابالفضل
------
شعراز: وحیدی