اوخشاما

 

بایرام گئچر یاز اوْلار
بلبل گۆله باز اوْلار
بیلمدیم اوْخلانارسان
سنین عمرۆن آزاوْلار
ــــــــــــــــــــــــــــ
باشا قارانێ ساللام
گۆللرد‌ن عطرون آللام
گئتسم اگر وط‌نه
گۆنلرائوینده قاللام
ــــــــــــــــــــــــــــ
بۇ داغدان گۆلرگئچر
آهولار ملرگئچر
اوْغلێ ئؤلن آنانێن
قلبینده نلرگئچر
ــــــــــــــــــــــــــــ
امان فلک داد فلک
هئچ اوْلمادێم شاد فلک
ایچیرتدیقین شربتد‌ن
اؤزۆنده بیرداد فلک
ــــــــــــــــــــــــــــ
آغ کؤینگین آغ ساخلارام
یۇمارام آغ ساخلارام
یۇخۇما گلسن اگر
سنی قوْناق ساخلارام
ــــــــــــــــــــــــــــ
فلک عجب باغ چکدین
باغچا چکدین باغ چکدین
بالامێ منده‌ن آلدێن
اۆره‌گیمه داغ چکدین
ــــــــــــــــــــــــــــ
آغلارام ایل اۇزۇنۇ
آتمێشام دیل دۇزۇنۇ
فلک آلدێ الیمده‌ن
سن تک املیک قۇزۇنۇ
ــــــــــــــــــــــــــــ
آه چکیب وای دئمیشم
یانێب ایوای دئمیشم
گئجه‌لر یاتمامێشام
سنه لایلای دئمیشم
ــــــــــــــــــــــــــــ
آهولار تک ملر‌م
یۆزه گؤزیاش الر‌م
قانه باتمێش بلگین
گه آچێب گه بلر‌م
ــــــــــــــــــــــــــــ
سنده واردێر نظ‌ریم
آی اێشیقلێ قمریم
گؤزده‌ن آتدێن آناوێ
هارداسان سۆت امریم
ــــــــــــــــــــــــــــ
روبابم سۆده‌ منده
گومان یوْخ سۆده‌ منده
اوْد دۇتۇب یانار قلبیم
اۇشاقلار سۆد امنده
ــــــــــــــــــــــــــــ