اتمام حجت امام با لشگر کوفیان

 

ای کوفیان بی وفا، گتدیز عجب مهمان منی
قوْیدوز سوسوز اطفالیمی، بوچؤلده سرگردان منی
ئؤلدی تمام یاورلریم، جان وئردی تشنه اکبریم
گول تک سوْلوبدی اصغریم، بوچؤلده سرگردان منی
---------
ای قوْم کافر نیلیوب، آل پئیمبر سیزلره
اوْلادینی تاپشیرمیوب، جدّیم مکررسیزلره
من صاحب جرمم اگر، نیلیب بواصغر سیزلره
بوغنچه‌ی خندان ائدیب، چوْخ دیده‌سی گریان منی
---------
نهرفراتی کی آخار، مهریه‌ی زهرا دگول
هر ارثه اوْلادی مگر، بیگانه د‌ن اولی دگول
من زاده ی خیرالنساء زهرا آنام آیا دگول
محروم ائدیرسیز ارثید‌ن، ای قوْم بی ایمان منی
---------
شوقیله ائیلر ترک جان، چون طالب دیداراوْلان
جوْروْجفاد‌ن اینجیمز، مشتاق وصل یاراوْلان
بوطفله رحم ایلر یقین، حقد‌ن گؤزی بیداراوْلان
باری بونی سیراب ائدین، سیزئؤلدورون عطشان منی
---------
جام بلادن مست اوْلوب، ترک ائتمیشم دنیانی من
دنیانی تنگ ائتمین منه، وئردیم سیزه بطهانی من
اهل وْعیالیمه قوْیون، مسکن ائدیم صحرانی من
ایتدوز وطندن دربدر، ای لشگر اعدا منی
---------
آیا روادور صرصرظلمیله سوْلسوْن گللریم
دوشسون جفای خاریلن، دیلد‌ن هامی بلبللریم
وئرسین بوچؤلده تشنه جان، هم اکبریم هم اصغریم
توش ایله‌دوز یوز محنته، هر لحظه سیز هر آن منی
---------
انصاف دیر آخسین بئله، صحرایه بوآب روان
باخسین سوواقان آغلاسین، آل رسول ای کوفیان
ائیلر بو نوْعیله مگر، مهمانه حرمت میزبان
شرمنده‌ی اهل وْعیال، ائتدوز عجب عدوان منی
---------
وار منده طاقت ائیلسز، هر جوْروْ هر ظلم وْستم
عبّاسیمون ائتدوز بوگون، سواوسته قوْللارون قلم
بوغم کفایت ائیلمز، سیندی بلیم یاتدی علم
اوْل نامدارین محنتی، ائیلوب قدی چوگان منی
---------
جدّیم شبیهی اوْغلومی، ئؤلدوردوز عطشان دوْیمادیز
داماد الینه ظلمیلن، یاخدیز حنا قان دوْیمادیز
ائتدیز تمام اصحابیمی، قانینه غلطان دوْیمادیز
آخر بوچؤلده ائیلسو‌ز، اؤز قانیمه غلطان منی
---------
بزم عزاده آغلارام صبح ومسا چون عندلیب
گؤگلوم زیار‌ت ایستوری، ایت لطفیلن یارب نصیب
سینه‌وران، نؤحه‌دیین، دلریشیلن بو ان قریب
زوّار اوْلاق ائتمه خجیل، یا ارحم وْرحمان منی
---------
شاعر: دلریش